De scientifics de l’Observatòri Europèu del Sud (ESO) an descobèrt lo primièr sistèma planetari comprenent tres planetas ont i poiriá aver d’aiga liquida e, doncas, de vida.
Los cercaires an descobèrt que i a sièis planetas qu’orbitan a l’entorn de l’estela Gliese 667C, dont tres son dins la zòna abitabla, es a dire, qu’an las condicions per que i aja d’aiga liquida. Es lo primièr còp que se localiza un sistèma amb una zòna abitabla que i viran tres planetas a l’encòp.
Gliese 667C, qu’a la massa d’un tèrç del nòstre Solelh, fa partida de la constellacion de l’Escorpion, a 22 ans lutz de la tèrra. “Es fòrça près d’en cò nòstre, fòrça mai que los sistèmas solars explorats amb de telescòpis coma Kepler”, çò ditz lo rapòrt de l’ESO.
Aquelas tres planetas extrasolaras an mai de massa que la Tèrra mas mens que los gigants coma Uranus o Neptun.
La trobalha s’es facha amb lo telescòpi que l’ESO a en Chile. An dirigit l’observacion Guillem Anglada-Escudé, de l’Universitat de Göttingen (Alemanha), e Mikko Tuomi, de l’Universitat d’Hertfordshire (Reialme Unit). Television de Catalonha entrevistèt Anglada-Escudé.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari