Actualitats
Un eurodeputat italian a agredit lo jornalista que l’a susprés a trichar
Ponchava qu’intrava al trabalh a 18h30, e sul pic se n’anava. Aital aviá drech a 300 èuros en indemnitats
“Vos avèm vist ponchar adès. Cresètz pas qu’es un pauc tard per arribar al trabalh?”, çò demandèt lo jornalista neerlandés Tom Staal, de Geenstijl TV, a l’eurodeputat italian Raffaele Baldassarre, del Pòble de la Libertat, just al moment que quitava lo trabalh. Lo jornalista metiá en evidéncia que l’eurodeputat èra vengut ponchar per aver drech de recebre tres cents èuros en indemnitats e partissiá sul pic.
Après, lo jornalista seguiguèt Baldassarre pels burèus de son partit a Brussèlas, en li disent: “venètz de ponchar a l’intrada, a sièis oras e mièja del ser, e vos sètz garentit tres cents èuros en indemnitats, mas uèi avètz pas de despensas”.
L’eurodeputat fasiá l’estonat e disiá que compreniá pas çò que li disiá lo jornalista, que li parlava en anglés. Al moment de pojar dins l’ascensor, ont intrèron tanben lo jornalista e lo tecnician de camèra que l’acompanhava, Baldassarre reagiguèt amb violéncia, en atacant lo jornalista e la camèra e en lor cridant, en italian: “Que volètz?”
Après, lo jornalista seguiguèt Baldassarre pels burèus de son partit a Brussèlas, en li disent: “venètz de ponchar a l’intrada, a sièis oras e mièja del ser, e vos sètz garentit tres cents èuros en indemnitats, mas uèi avètz pas de despensas”.
L’eurodeputat fasiá l’estonat e disiá que compreniá pas çò que li disiá lo jornalista, que li parlava en anglés. Al moment de pojar dins l’ascensor, ont intrèron tanben lo jornalista e lo tecnician de camèra que l’acompanhava, Baldassarre reagiguèt amb violéncia, en atacant lo jornalista e la camèra e en lor cridant, en italian: “Que volètz?”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 N'atz pas tòrt, amic Bodu, de har tornar la noste atencion de cap au subjècte per l'article.
Coma ciutadans, que pàgam impòsts entà qu'aqueths sacamands e poishquin crubar los getons de preséncia. N'ei pas lo purmèr còp qu'aquesta FRAUDA (entà designar las causas peu lor nom) ei denonciada, e arren non càmbia pas.
Que cau que hèsquim ?
Per començar que crei que deurem expausar nomentadament tots los fraudaires (avisatz, que n'i a un hum), especiauments a la vista deus lors electors, e enaigà'us dab corrics (o lhèu melhor : dab tweets), en tot estudiar seriosament los recors legaus.
En tot cap que'us deurem secutar e non pas daishar que contunhin impunidament.
Quatre comentaris!! E cap d'eles parla de l'article... Gaiton lo det quand lor mòstron la luna
Que vengui de véder que lo dicc. gascon-francés de Narioo nòta : agredir tanben.
"aggredire" en italian ; "agredir" en espanhòl
Totun, n'es pas ua rason ende "agredir" lo Peissamessa que los que desparlan ne son pas totjorn deu medish costat !
#1 Trobam "agredir" dins lo pichon diccionari roge de l'occitan alpenc oriental. Pessamessa desparla, coma de costuma.
@pessamessa Mos pairbons disián agredir e son pas catalans. ;-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari