Actualitats
Un evesque italian detengut dins l’afar de la Banca Vaticana
Son tanben arrestats, per aqueste afar de fraudariá e corrupcion, un èx-agent dels servicis secrets italians e un conselhièr financièr
L’evesque de Salèrne, Nunzio Scarano, es un dels tres detenguts per fraudariá e corrupcion, dins l’enquèsta sus las presumidas irregularitats en la gestion de l’Institut per las Òbras de Religion (IOR), es a dire, la Banca Vaticana. Los autres dos son un èx-agent dels servicis secrets italians e un conselhièr financièr, çò raportava ièr Il Corriere della Sera.
Scarano èra ja estat suspendut de totas sas cargas pel Vatican quand s’aprenguèt que lo ministèri public de Campània lo metiá en examen per emblanquiment d’argent, dins un afar de chècs d’origina pas brica clara, justificats coma de dons, per un total de 580 000 èuros.
Los autres detenguts son Giovanni Maria Zito, èx-agent dels servicis secrets italians (AISI), destituit fa qualques meses, e Giovanni Carinzo, un intermediari financièr. Segon los mèdias italians, la justícia los metiá en examen per l’intrada illegala en Itàlia de 20 milions d’èuros que venián de Soïssa.
L’operacion policièra l’a menada a tèrme la Gàrdia de Finança, jos l’òrdre de la jutgessa de Roma Barbara Callari. La recèrca comencèt fa tres ans e compreniá lo president de l’Institut per las Òbras de Religion e lo director general de la Banca Vaticana.
Aquesta setmana, lo papa Francés a creat una comission de contraròtle que deu respondre dirèctament al pontife per susvelhar las activitats d’aquela banca.
Scarano èra ja estat suspendut de totas sas cargas pel Vatican quand s’aprenguèt que lo ministèri public de Campània lo metiá en examen per emblanquiment d’argent, dins un afar de chècs d’origina pas brica clara, justificats coma de dons, per un total de 580 000 èuros.
Los autres detenguts son Giovanni Maria Zito, èx-agent dels servicis secrets italians (AISI), destituit fa qualques meses, e Giovanni Carinzo, un intermediari financièr. Segon los mèdias italians, la justícia los metiá en examen per l’intrada illegala en Itàlia de 20 milions d’èuros que venián de Soïssa.
L’operacion policièra l’a menada a tèrme la Gàrdia de Finança, jos l’òrdre de la jutgessa de Roma Barbara Callari. La recèrca comencèt fa tres ans e compreniá lo president de l’Institut per las Òbras de Religion e lo director general de la Banca Vaticana.
Aquesta setmana, lo papa Francés a creat una comission de contraròtle que deu respondre dirèctament al pontife per susvelhar las activitats d’aquela banca.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Roma enganairtiz, cobeitat vos engana, qu'a vòstras berbits tondètz tròp de la lana. Lo Sant Esperit, que receup carn umana, entenda mos prècs, e franha vòstres bècs. Roma, non m'entrècs, car sètz falsa e trafana contra nosautres e contra los Grècs.
Roma, als òmes pècs, rosigatz la car ne l'òssa, e guidatz los cècs amb vos dedins la fòssa : tròp passatz los dècs de Dieu, car tròp es gròssa vòstra cobeitat, car vos, perdonatz per denièrs pecats. Roma, de grand trasdòssa de mal vos cargatz !
Roma, amb fals sembel tendètz vòstra tesura, que mantes mals morsèls, manjatz, qui que l'endura. Cara avètz d'anhèl amb simpla gardadura, dedins lops rabats, seprents coronats de vibre engendrats, per que'l diable vos cura coma los sieus privats !
Fa temps ja qu'o vos aviái dit, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari