Actualitats
Tadić e Nikolić candidats a president de Serbia
I a agut una fòrta abstencion al primièr torn
En Serbia, lo president actual, Boris Tadić, se presentarà a la reeleccion lo 20 de mai, après aver atengut 23% dels vòtes, 1% de mens que lo sieu principal rival, Tomislav Nikolić, cap del conservador Partit Sèrbe de Progrès (SNS), que n'a atengut 24%. Lo partit de Nikolić a menat a tèrme una operacion importanta per netejar lo sieu imatge, e se presenta coma un partit de centre-drecha, nacionalista moderat e favorable a l’intrada en Euròpa mas amb de matises.
Malgrat que lo mandat de Tadić s’agotava pas abans febrièr de 2013, a la començança d’abril lo cap del Partit Democratic (DS) forcèt la convocacion d’eleccions presidencialas anticipadas. Per o justificar, Tadić apelèt al besonh d’una nòva legitimat per avançar las reformas necessàrias per l'intrada dins l'UE.
Pasmens, una de las donadas mai significativas d'aquelas eleccions es estat la nauta abstencion: la participacion es arribada solament a 53%, sèt ponches de mens que non pas en 2008.
L'Aliança dels Ongreses de Voivodina melhora los resultats e atenh cinc sètis a l'Assemblada Nacionala de Serbia. Los bosnians de Sandžak auràn dos representants. Una lista multietnica menada per un bosnian atenh un sèti, mentre que la candidatura albanesa demòra sens cap de representacion. Al primièr torn dels comicis provincials de Voivodina, los autonomistas avançan.
Malgrat que lo mandat de Tadić s’agotava pas abans febrièr de 2013, a la començança d’abril lo cap del Partit Democratic (DS) forcèt la convocacion d’eleccions presidencialas anticipadas. Per o justificar, Tadić apelèt al besonh d’una nòva legitimat per avançar las reformas necessàrias per l'intrada dins l'UE.
Pasmens, una de las donadas mai significativas d'aquelas eleccions es estat la nauta abstencion: la participacion es arribada solament a 53%, sèt ponches de mens que non pas en 2008.
L'Aliança dels Ongreses de Voivodina melhora los resultats e atenh cinc sètis a l'Assemblada Nacionala de Serbia. Los bosnians de Sandžak auràn dos representants. Una lista multietnica menada per un bosnian atenh un sèti, mentre que la candidatura albanesa demòra sens cap de representacion. Al primièr torn dels comicis provincials de Voivodina, los autonomistas avançan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que sembla que la vita politica en Serbia e's sia, totun, normalizada, dab dus candidats "normaus". Entertant nosautes en França qu'avem tostemps l'extrèma-dreta... De qué har empensar los qui'ns disèn que los pòbles deus Balcans èran malauds deu nacionalisme, entant qui nosautes de l'Euròpa occidentau, qu'èm pòbles "normaus"...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari