Actualitats
An blocat los servicis de comunicacion de François Hollande en Bretanha
De manifestacions e de protèstas aculhiguèron la vesita oficiala del president francés en Bretanha
De militants per la lenga bretona bloquèron ièr los telefòns, e-mails e faxes del servici de comunicacion del president de la Republica Francesa a la prefectura de Mor-Bihan (Bretanha) amb de messatges que demandavan al president francés de complir son engatjament 56, es a dire, de signar la Carta Europèa de las Lengas Regionalas e Minorizadas, segon çò que raportava lo jornal breton 7Seizh.info.
L’accion, batejada “Operacion 56”, foguèt coordenada pel movement Aï’ta que fa de desobesissença civila en favor de la lenga bretona.
Lo president francés vesitava ièr oficialament la vila bretona d’An Oriant, acompanhat de la ministra dels Afars Socials e la Santat, Marisol Touraine; de la ministra delegada a las Personas Andicapadas e a la Lucha contra l’Exclusion, Marie-Arlette Carlotti; e del ministre de la Defensa, Jean-Yves Le Drian.
En mai del blocatge de las comunicacions, mantas manifestacions recebèron lo mandatari francés: un trentenat d’opausants al maridatge per totes; d’agents territorials e d’emplegats de la societat de vaissèls DCNS, chepicats pels plans de govèrn tocant la fabricacion de fregatas FREMM; e tanben qualques 200 manifestants que representavan lo personal de l’espital e que protestavan contra la manca de mejans umans.
L’accion, batejada “Operacion 56”, foguèt coordenada pel movement Aï’ta que fa de desobesissença civila en favor de la lenga bretona.
Lo president francés vesitava ièr oficialament la vila bretona d’An Oriant, acompanhat de la ministra dels Afars Socials e la Santat, Marisol Touraine; de la ministra delegada a las Personas Andicapadas e a la Lucha contra l’Exclusion, Marie-Arlette Carlotti; e del ministre de la Defensa, Jean-Yves Le Drian.
En mai del blocatge de las comunicacions, mantas manifestacions recebèron lo mandatari francés: un trentenat d’opausants al maridatge per totes; d’agents territorials e d’emplegats de la societat de vaissèls DCNS, chepicats pels plans de govèrn tocant la fabricacion de fregatas FREMM; e tanben qualques 200 manifestants que representavan lo personal de l’espital e que protestavan contra la manca de mejans umans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Ton comentari a 19 vòtes positius. Aquò vòl dire que ja sèm 20 personas a fargar lo Comitat 56 occitan
La dòna Carlòtti fariá ben d'escotar mai sovent son omonim, Jan-Maria Carlòtti, que canta coma un rossinhòl en occitan. Li donariá benlèu l'idèa de préner en carga, coma o vòl sa foncion, de personas andicapadas del comprenedor, coma los que se perdon a pensar qu'es "incocebable" de cooficializar la lenga de Corsega a costat de le lenga d'Isla de França…
Una excellenta iniciativa!
Aqueste president-pinocchio-rei-solelh-me-fòti-de-vòstra-gula-a-me-ne-far-petar-la pel-del-ventre s'amerita qu'òm li rapèle qualques realitats.
La desobesissença civila es tanben un dever dels occitans.
Ara, a fargar un Comitat 56 occitan per rapelar a aqueste emperaire parisenc qu'es pas lo benvengut en Occitània tant que farà mòstra de mesprètz per la nòstra lenga!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari