Actualitats
Lo rei Albèrt II de Belgica abdica
Ditz que son edat e sa santat li permeton pas d’exercir sa carga coma voldriá. La decision es arribada quand una presumida filha illegitima a demandat de pròvas d’ADN per demostrar que tanh a la familha
Lo rei Albèrt II de Belgica, dins sos 79 ans, a anonciat qu’abdicarà en favor de son filh Felip lo 21 de julhet que ven, jorn de la fèsta nacionala bèlga.
Lo rei parlèt a son pòble ièr a 18h, en un discors televisat, per comunicar que quitava sa foncion per motius d’atge e de santat. “Pòdi pas exercir la carga coma voldriái”, çò diguèt.
L’abdicacion, vint ans après èsser vengut rei, arriba pendent la polemica liada a la demanda de sa presumida filha illegitima, Delphine Boël. Aquela d’aquí, per demostrar que tanh a la familha, a demandat de pròvas d’ADN del rei, de l’eiretièr e de sa sòr Astrid.
L’abdicacion reiala d’Albèrt II es la segonda en pauques meses, après que la reina Beatritz dels Païses Basses quitèsse la corona en favor de son filh Guilhèm.
Lo rei parlèt a son pòble ièr a 18h, en un discors televisat, per comunicar que quitava sa foncion per motius d’atge e de santat. “Pòdi pas exercir la carga coma voldriái”, çò diguèt.
L’abdicacion, vint ans après èsser vengut rei, arriba pendent la polemica liada a la demanda de sa presumida filha illegitima, Delphine Boël. Aquela d’aquí, per demostrar que tanh a la familha, a demandat de pròvas d’ADN del rei, de l’eiretièr e de sa sòr Astrid.
L’abdicacion reiala d’Albèrt II es la segonda en pauques meses, après que la reina Beatritz dels Païses Basses quitèsse la corona en favor de son filh Guilhèm.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari