Actualitats
L’armada egipciana a levat lo poder a Mursi e a anonciat de nòvas eleccions
D'afrontaments entre partisans e detractors de Mursi an provocat un quinzenat de mòrts
L’armada egipciana anoncièt arser que suspendiá la constitucion, que Muhammad Mursi quitava d’èsser president en essent relevat pel president del Tribunal Constitucional, que se formarà un govèrn tecnocrata non partidista, e mai que se convocarà de nòvas eleccions lèu. Vaquí lo fuèlh de rota del còp d’estat militar que l’a anonciat lo cap de l’armada, acompanhat pel papa còpte, pel shèic d’Al Azhar, pel representant de l’oposicion Muhammad Al Baradai, e per qualques caps de la revòlta de la Plaça Tahrir. Lo cap de l’armada diguèt qu’èran arribats a aquel ponch après fòrça assages de dobrir un periòde de dialòg e de mediacion entre los Fraires Musulmans (al poder dempuèi las eleccions) e l’oposicion; aital l’armada vòl satisfar las demandas dels manifestants qu’an pres las carrièras.
L’armada egipciana se despleguèt arser per las carrièras del Caire qualques minutas après que s’expirèt l’ultimatum que los militars avián donat al president Muhammad Mursi per que quitèsse lo poder. Los militars an ocupat tanben la television publica. Segon qualques fonts, los militars retenon lo president Mursi dins lo Ministèri de Defensa, mas aquela informacion es pas estada confirmada per l’armada e a l’ora d’ara i a una granda confusion informativa. Podètz seguir lo tractament en dirècte que ne fa lo jornal The Guardian. L’armada a l’intencion de començar un procès de transicion d’entre 9 e 12 meses per redigir una nòva constitucion e per convocar d’eleccions.
De son costat, Mursi a acusat repetidament l’armada de generar de confusion per aver establit un ultimatum. E Mursi se mantenguèt al poder fins al darrièr moment, en fasent quitament una ofèrta de darrièra ora: un govèrn d’unitat.
L’armada ditz escotar la revòlta egipciana que, dempuèi qualques jorns, s’es virada contra los Fraires Musulmans. De milièrs de personas prenguèron las carrièras de las principalas vilas d’Egipte, amb l’emblematica Plaça Tahrir del Caire, per exigir la demission de Mursi que fa a pena un an que ganhèt las eleccions. Las protèstas se fan perque los manifestants e l’oposicion considèran que s’es pas complit las demandas democraticas a l’origina de la revòlta de 2011.
_____
Mai d’informacions:
– BBC: Egyptian army suspends constitution
– Al-Jazeera: President Morsi overthrown in Egypt
L’armada egipciana se despleguèt arser per las carrièras del Caire qualques minutas après que s’expirèt l’ultimatum que los militars avián donat al president Muhammad Mursi per que quitèsse lo poder. Los militars an ocupat tanben la television publica. Segon qualques fonts, los militars retenon lo president Mursi dins lo Ministèri de Defensa, mas aquela informacion es pas estada confirmada per l’armada e a l’ora d’ara i a una granda confusion informativa. Podètz seguir lo tractament en dirècte que ne fa lo jornal The Guardian. L’armada a l’intencion de començar un procès de transicion d’entre 9 e 12 meses per redigir una nòva constitucion e per convocar d’eleccions.
De son costat, Mursi a acusat repetidament l’armada de generar de confusion per aver establit un ultimatum. E Mursi se mantenguèt al poder fins al darrièr moment, en fasent quitament una ofèrta de darrièra ora: un govèrn d’unitat.
L’armada ditz escotar la revòlta egipciana que, dempuèi qualques jorns, s’es virada contra los Fraires Musulmans. De milièrs de personas prenguèron las carrièras de las principalas vilas d’Egipte, amb l’emblematica Plaça Tahrir del Caire, per exigir la demission de Mursi que fa a pena un an que ganhèt las eleccions. Las protèstas se fan perque los manifestants e l’oposicion considèran que s’es pas complit las demandas democraticas a l’origina de la revòlta de 2011.
_____
Mai d’informacions:
– BBC: Egyptian army suspends constitution
– Al-Jazeera: President Morsi overthrown in Egypt
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'agrada pas brica Mursi ni los Fraires Musulmans. Mas m'agrada mens qu'un govèrn elegit en eleccions democraticas siá estat fòrabandit per l'armada
una novèla agradiva, que triomfla privisoriament ? la revolucion modernista congreiada per internet, posquésse ben adralhar l'Egipta e leis egpicis vèrs lo desvelopament capitalista, leis inversions que li son necessàrias per far montar lo nivèu de vida sensa oblidar la manna toristica que s'ei aplantada davant lo comportament dessenat e obscurantista dei fraires musulmans,lo president destituït qu'avié nomat governador de la provincia dei piramides un de sei socis qu'avié organizat d'atentats contra lei toristas !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari