De partidaris del retorn del departament del Léger Atlantic en Bretanha se son amassats sul Pont Saint-Nicolas de Redon (Bretanha), ont i a la frontièra departamentala e regionala.

A l’apèl dels candidats locals a las legislativas, Jonathan Guillaume, Nathalie Roynard e Éloïse Cordier per Breizhistance, e Jef Monnier per l’UDB, e dels collectius 44=Breizh e de Breizhistance, un centenat de personas se son amassadas per menar a tèrme una cadena umana sul pont que connècta Redon (Ille-et-Vilaine) a Saint-Nicolas de Redon (Léger Atlantic). Émile Granville, cònsol adjonch de Redon, s'es jonch a l’accion pel Partit Breton. Es estada una manifestacion simpatica, quitament se lo temps es pas estat favorable.

L'Assemblada Nacionala francesa aprovèt en genièr passat un emendament que permetriá d'organizar un referendum sus l'estatut del departament del Léger Atlantic. Aquel departament, amb capitala a Nantas, apertenguèt a Bretanha de l'Edat Mejana fins a la mitat del sègle XX, quand foguèt agregat a la region dels Païses de Léger. Tre aquel moment, lo movement nacional breton ne revendica lo retorn a Bretanha. Divèrses estudis d'opinion mòstran que i a supòrt popular pel cambiament, tant en Léger Atlantic coma dins la rèsta de Bretanha.