Carga policièra a Pampalona per empedir un drapèl basco gigant
se despleguèt lo drapèl basc gigant en lo fasent penjar davant la façada de la Comuna
Las fèstas de Sant Fermin an començat ongan amb d’incidents. Ièr, dissabte de matin, a l’ora de l’inauguracion, un passacarrièra anava cap a la Plaça de la Comuna de Pampalona amb un drapèl basco gigantàs, mas un cordon de polícia los empedissiá d’i accedir.
Los manifestants cridavan “Los presonièrs bascos al Bascoat” e “Independéncia”. I aguèt de tensions, coma se vei dins lo vidèo que podètz veire çai jos; la polícia batèt qualques personas, e demest los ferits i a lo pòrtavotz de l’esquèrra abertzale Txelui Moreno, que recebèt de còps fòrts mentre qu’ensajava de parlar amb los policièrs. Fin finala, capitèron d’intrar dins la plaça.
Pauc abans miègjorn, amb tota la plaça plena e en esperant lo “txupinazo” (la fusada que marca lo començament de las fèstas), un grop de gents despleguèt lo drapèl basco gigant en lo fasent penjar davant la faciada de la comuna, tengut per de còrdas qu’anavan d’un balcon a un autre de la plaça. La comuna volguèt pas lançar la fusada fins que se retirèsse la bandièra, e lo “txupinazo” arribèt en retard, quand lo drapèl i èra pas mai.
Las fèstas de Sant Fermin de Pampalona son conegudas dins tot lo Mond, e l’accion dels basquistas es estada raportada per fòrça mèdias.
Txelui Moreno, pòrtavotz basquista, agredit per la polícia
Txelui Moreno, pòrtavotz basquista, agredit per la polícia
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dens Sud Ouest Dimanche, qu'èra ua auta musica : ne digón pas arren sus las violéncias policiaras e que precisèn que la municipalitat de Pampalona ei "prò basca". Bon tribalh deu jornalet!
#9 Non pòdes pas dises tampòc que tots eths Navarrés non senteishen pas Bascos. Que parlas de denominacion istorica mès era Basquituda qu'ei quarren d'autan istoric coma era Navarrituda, donc ja que Euskadi (arrefusat uei per majoritat deths Abertzales en pormor tròp artificiau e tròp vassociat era CAB, que s'i parla d'Euskal Herria e que's designan eths madeish coma Euskaldunak, aumens ath nòrd dera comunitat, on s'i parla encòra era lenca. Que notaràs qu'eth mot Euskara que designa era lenca basca en Batua, qu'ei era forma Navarresa (Euskera en Biscaia e Guipuscoa, Eskuara en Navarro-Labordin, etc...).
#4 N'èi pas jamei dit qu'èri d'acòrd dab la reaccion, qu'analizi la reaccion a lutz de l'istòria , pas mei. No's cau pas jamei desbrombar de l'istòria: Navarra qu'estó un reiaume independent, dab Pampalona com a capdulh. Qu'estón anexat per fòrça au Règne de Castelha, lhevada la partida nòrd qui demorè independenta dinc au temps deu bon rei Enric. Fièrs de la lor istòria ,n'an pas volut estar anexats per la comunautat d'Euskadi, era medisha largament hèita de territòris autes còps deu Règne navarrés. Euskadi avosse prengut lo nom de Navarra dab Pampalòna com a capdulh, jo que pensi l'istòria seré estada diferenta. De fèit, navarresa qu'ei la nacionalitat deus de Pampalona, abans que tot.
#7 Cal pas èsser un tròl per èsser fachò. N'i a quitament que parlon occitan. Veses?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Dens Sud Ouest Dimanche, qu'èra ua auta musica : ne digón pas arren sus las violéncias policiaras e que precisèn que la municipalitat de Pampalona ei "prò basca". Bon tribalh deu jornalet!
#9 Aquerò t'ac cau debàter dab los de Pampalona, pas dab jo! E m'ac condaràs...
#9 Non pòdes pas dises tampòc que tots eths Navarrés non senteishen pas Bascos. Que parlas de denominacion istorica mès era Basquituda qu'ei quarren d'autan istoric coma era Navarrituda, donc ja que Euskadi (arrefusat uei per majoritat deths Abertzales en pormor tròp artificiau e tròp vassociat era CAB, que s'i parla d'Euskal Herria e que's designan eths madeish coma Euskaldunak, aumens ath nòrd dera comunitat, on s'i parla encòra era lenca. Que notaràs qu'eth mot Euskara que designa era lenca basca en Batua, qu'ei era forma Navarresa (Euskera en Biscaia e Guipuscoa, Eskuara en Navarro-Labordin, etc...).
#4 N'èi pas jamei dit qu'èri d'acòrd dab la reaccion, qu'analizi la reaccion a lutz de l'istòria , pas mei. No's cau pas jamei desbrombar de l'istòria: Navarra qu'estó un reiaume independent, dab Pampalona com a capdulh. Qu'estón anexat per fòrça au Règne de Castelha, lhevada la partida nòrd qui demorè independenta dinc au temps deu bon rei Enric. Fièrs de la lor istòria ,n'an pas volut estar anexats per la comunautat d'Euskadi, era medisha largament hèita de territòris autes còps deu Règne navarrés. Euskadi avosse prengut lo nom de Navarra dab Pampalòna com a capdulh, jo que pensi l'istòria seré estada diferenta. De fèit, navarresa qu'ei la nacionalitat deus de Pampalona, abans que tot.
#7 Cal pas èsser un tròl per èsser fachò. N'i a quitament que parlon occitan. Veses?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari