Actualitats
Hollande a vesitat d’endreches de Gasconha damatjats pels aigats
Lo president francés a promés l’ajuda de l’estat als sinistrats de las inondacions
Tres setmanas après los violents aigats que secutèron Aran, Comenge e Bigòrra, lo president francés, François Hollande, anèt vesitar Luishon e lo País Tòi. Sus plaça, Hollande prometèt l’ajuda de l’estat als sinistrats de las inondacions.
“Que pòt far l’Estat uèi? Avalorar l’amplor dels damatges e sustot aqueles que son pas remborsats per las asseguranças”, çò diguèt lo president francés a Banhèras de Luishon (Comenge), en una reünion amb un vintenat d’elegits de las comunas sinistradas. “Sèm a installar un mecanisme excepcional. La solidaritat es pas un messatge vuèg”, çò prometèt.
Lo cònsol de Luishon, Louis Ferré, diguèt qu’“eth retorn ara vida normau serà long e eth prètz de pagar serà pesuc. Avèm besonh d’ua ajuda financèra consequenta dera part deth Estat e d’evitar que d’autas catastròfas se produsiscan”. “Soi convencut que seratz entaths nòstes bèths Pirenèus un hasedor de bèth temps”, çò diguèt lo cònsol al president.
Après se passejar long de la Pica, un afluent de Garona, que tanben sortiguèt del sieu lièch lo 18 de junh, Hollande prenguèt l’elicoptèr per anar fins a Varètja (Lavedan), un autre vilatge sinistrat. D’ailà anèt cap a Sant Lari e Sola ont embarquèt dins la veitura de Christian Prudhomme, lo director del Torn de França. La corsa ciclista tanben traversava ièr lo país, per seguir la fin de l’estapa fins a Banhèras de Bigòrra (Naut Ador).
BFMTV
“Que pòt far l’Estat uèi? Avalorar l’amplor dels damatges e sustot aqueles que son pas remborsats per las asseguranças”, çò diguèt lo president francés a Banhèras de Luishon (Comenge), en una reünion amb un vintenat d’elegits de las comunas sinistradas. “Sèm a installar un mecanisme excepcional. La solidaritat es pas un messatge vuèg”, çò prometèt.
Lo cònsol de Luishon, Louis Ferré, diguèt qu’“eth retorn ara vida normau serà long e eth prètz de pagar serà pesuc. Avèm besonh d’ua ajuda financèra consequenta dera part deth Estat e d’evitar que d’autas catastròfas se produsiscan”. “Soi convencut que seratz entaths nòstes bèths Pirenèus un hasedor de bèth temps”, çò diguèt lo cònsol al president.
Après se passejar long de la Pica, un afluent de Garona, que tanben sortiguèt del sieu lièch lo 18 de junh, Hollande prenguèt l’elicoptèr per anar fins a Varètja (Lavedan), un autre vilatge sinistrat. D’ailà anèt cap a Sant Lari e Sola ont embarquèt dins la veitura de Christian Prudhomme, lo director del Torn de França. La corsa ciclista tanben traversava ièr lo país, per seguir la fin de l’estapa fins a Banhèras de Bigòrra (Naut Ador).
BFMTV
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
eis aqui que nostre president ei lo melhor, a nivèu despartamentau ambe leis elegits locaus, coma un peis dins l'onda doça dei subvencions e dau clientelisme a prepaus deis aigats que secutan Aran, Comenge e Bigorra, lo mot es mau emplegat, secutar= persecutar e tremblaretz coma una lebre qu'es secutada d'un lebrier, citacion d'una poesia dau montpelierenc Tandon, l'aigat ei pas un can de caça, lo mot que conven ei saquejat o ravatjat
Hollande que fa promessas ?
HAHAHAHAHAHAHAHAHAHAHAHAHHAHAHAHA!!!!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari