Lo Parlament Neerlandés acceptèt a l’unanimitat la proposicion del Partit pels Animals (PVDD) de demandar a l’Union Europèa la retirada de las subvencions agricòlas que camoflan lo finançament dirècte de la corrida.
 
Cada an, de desenats de milions d’èuros provenent de l’Union Europèa s’utilizan per la mantenença de la corrida, a travèrs de las subvencions agricòlas en Espanha, destinadas a l’elevatge de taures de combat. De fach, totes los taures que morisson a l’espanhòla dins las arenas occitanas son elevats en Espanha.
 
Los olandeses considèran indispensable que l’Union Europèa quite de finançar la tortura d’animals e, per aquò, se portarà aquela demanda dirèctament del Parlament Neerlandés al Parlament Europèu.