Actualitats
Egipte: almens 51 mòrts e 435 ferits en un atac contra los partisans de Mursi
Las discussions contunhan per trobar un primièr ministre interimari, mentre que las tensions son a créisser de mai en mai
Almens 51 personas son mòrtas en un atac contra d’islamistas partisans de Mursi, la matinada de diluns, segon lo Ministèri de la Santat. Aquò s’es passat après que los Fraires Musulmans ajan denonciat “un masèl” de la polícia e de l’armada, a l’exterior del sèti de la Gàrdia Republicana del Caire. Aquí, se crei qu’es detengut lo president reversat. E fa tres jorns que i protèstan sos partisans per exigir que lo libèren.
A mesura que las informacions arriban, sembla que las fòrças de l’òrdre aurián tirat contra los partisans de Mursi davant lo quartièr ont, divendres passat, l’armada egipciana aviá ja evitat un assaut en tirant de fuòc real.
Ça que la, las versions suls faches son plan desparièras segon las fonts. Los Fraires Musulmans, dins un comunicat, an denonciat un “masèl” e an atribuit l’atac al cap de l’armada, Abd Al Fatah As Sisi, en emplegant coma evidéncia las balas que los militars tirèron. De l’autre costat, l’armada, qu’a solament raportat la mòrt d’un soldat, a indicat que lo masèl l’auriá fach un grop de desconeguts. I a pas de testimònis presencials pr’amor que la polícia militara enebís l’accès als endreches ont se debanan las protèstas per tal de i empedir d’afrontaments entre partisans e opausants de Mursi.
Las tensions son a créisser de mai en mai en Egipte après lo còp d’estat contra Mursi. L’oposicion al president a amassat de personas amb de grandas diferéncias ideologicas, mas, luènh de l’unitat, lo país viu afrontat lo procès de cambiament de govèrn.
Pels islamistas, la bèstia es pas lo nòu president interimari, Adli Mansur, de bas perfil politic, mas lo general As Sisi. Es justament el qu’an acusat del masèl.
Parallèlament, sus la Plaça Tahrir, l’ambient es de jòia, e mai se suls accèsses i a de molons de pèiras previstas coma municion en cas de besonh. Una granda bandieròla dins la plaça defend la segonda “revolucion”.
E per carrièras i a encara de demostracions de fòrça entre los unes e los autres.
Las discussions per trobar un primièr ministre interimari contunhan. Los salafistas quitèron ièr las discussions, après s’opausar al nomenament del prèmi Nobel de la Patz, Muhammad Al Baradai. A l’ora d’ara lo candidat que i a sus la taula es l’avocat socialdemocrata Ziyad Baha Al Din.
A mesura que las informacions arriban, sembla que las fòrças de l’òrdre aurián tirat contra los partisans de Mursi davant lo quartièr ont, divendres passat, l’armada egipciana aviá ja evitat un assaut en tirant de fuòc real.
Ça que la, las versions suls faches son plan desparièras segon las fonts. Los Fraires Musulmans, dins un comunicat, an denonciat un “masèl” e an atribuit l’atac al cap de l’armada, Abd Al Fatah As Sisi, en emplegant coma evidéncia las balas que los militars tirèron. De l’autre costat, l’armada, qu’a solament raportat la mòrt d’un soldat, a indicat que lo masèl l’auriá fach un grop de desconeguts. I a pas de testimònis presencials pr’amor que la polícia militara enebís l’accès als endreches ont se debanan las protèstas per tal de i empedir d’afrontaments entre partisans e opausants de Mursi.
Las tensions son a créisser de mai en mai en Egipte après lo còp d’estat contra Mursi. L’oposicion al president a amassat de personas amb de grandas diferéncias ideologicas, mas, luènh de l’unitat, lo país viu afrontat lo procès de cambiament de govèrn.
Pels islamistas, la bèstia es pas lo nòu president interimari, Adli Mansur, de bas perfil politic, mas lo general As Sisi. Es justament el qu’an acusat del masèl.
Parallèlament, sus la Plaça Tahrir, l’ambient es de jòia, e mai se suls accèsses i a de molons de pèiras previstas coma municion en cas de besonh. Una granda bandieròla dins la plaça defend la segonda “revolucion”.
E per carrièras i a encara de demostracions de fòrça entre los unes e los autres.
Las discussions per trobar un primièr ministre interimari contunhan. Los salafistas quitèron ièr las discussions, après s’opausar al nomenament del prèmi Nobel de la Patz, Muhammad Al Baradai. A l’ora d’ara lo candidat que i a sus la taula es l’avocat socialdemocrata Ziyad Baha Al Din.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
seriàn puslèu leis islamistas qu'atacan l'armada e non pas lo contrari, qu'eli an interès a fotre lo bordèu, coma l'analisa força ben Hervè Arouet dins l'emession ainsi va le monde cade jorn a 18 40 e 20 40 sus LCI, la cadena d'informacion continüa que vos recomandi; de gents que volon soncament una causa instaurar la charia se socitan pas dei problèmas socio-economics, dei faraons, dei piramidas, dau torisme o de qué que siegue, volon soncament far triomflar la lei d'Allah lo tot-poderos, mai aquo ei benlèu pas ço que volon la majoritat deis egipcis
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari