Actualitats
La pression del Front Nacional se manifèsta sus l’UMP
De declaracions polemicas d’Estrosi evidéncian que l’UMP es a fregar l’extrèma drecha
Lo cònsol de Niça e deputat per l’UMP, Christian Estrosi, faguèt de declaracions fòrça polemicas dimenge passat sus Europe 1. Estrosi cridèt totes los cònsols de l’estat francés a “la revòlta” contra los ròms, e los convidèt a seguir son biais de far. Fasiá referéncia a un grop d’un centenat de caravanas qu’expulsèt la setmana passada d’un terren de rugbi.
Estrosi citèt tanben l’exemple d’autres nomadas que s’installèron sens permission sus un terren de fotbòl de Niça e que declarèron qu’i restarián tres setmanas. L’èx-ministre afirmèt lor aver dich: “N’ai domdat d’autres, vos domdarai. La primièra causa que farai es de vos metre de camèras pertot per susvelhar los vòstres faches e gèstes dins las qualques oras que venon”.
Estrosi reclamèt lo desmantelament de totes los campaments de ròms establits dins l’estat francés e la confiscacion de lors mejans de transpòrt. En sas declaracions a Europe 1, l’elegit de l’UMP assegurèt, e mai, que “l’islam es incompatible amb la democracia”.
Aquela actitud d’Estrosi seguís las declaracions de l’èx-candidat del Front Nacional, l’ultradrechista Jean-Marie Le Pen, que qualifiquèt d’urticanta la preséncia dels grops de ròms a l’entorn de Niça. Le Pen mostrèt son chepic perque tre l’an que ven los ciutadans bulgars e romaneses auràn drech de trabalhar dins l’Union Europèa; e afirmava que de milièrs de ròms arribarián a Niça.
Lo ministre delegat a la Vila, François Lamy, qualifiquèt los mots d’Estrosi d’“imbecils e perilhoses”. “Opausa las gents del viatge als franceses. (…) Oblida que las gents del viatge son en plan granda majoritat de franceses”, çò deplorèt. Lamy tanben remembrèt que l’islam es la segonda religion de França.
De son costat, lo president de l’Union Francesa de las Associacions Gitanas (UFAT), Alain Daumas, qualifiquèt los mots d’Estrosi coma “lamentables de la part d’un èx-ministre”. “M’agradariá d’aver un bon debat amb Sénher Estrosi e amb totas aquelas gents que nos aiman pas. Que nos digan çò qu’eles an fach per França!”, çò declarèt a l’AFP en afirmant que sos grands avián combatut pendent la guèrra 1914-1918 e que sos parents foguèron internats pendent la Segonda Guèrra Mondiala. Daumas remembrèt tanben que los nomadas son pas forçadament de gitanos, e los gitanos son pas forçadament de nomadas.
De fach, la pression del Front Nacional se manifèsta sus l’UMP que, de mai en mai, frega l’extrèma drecha. Dijòus passat, un elegit de Nimes s’escalustrèt perque Carrefour aviá publicat un catalòg “especial Ramadan”, del meteis estil que los catalògs “especial Nadal” o “especial Pascas” qu’edita l’ipermercat.
Estrosi citèt tanben l’exemple d’autres nomadas que s’installèron sens permission sus un terren de fotbòl de Niça e que declarèron qu’i restarián tres setmanas. L’èx-ministre afirmèt lor aver dich: “N’ai domdat d’autres, vos domdarai. La primièra causa que farai es de vos metre de camèras pertot per susvelhar los vòstres faches e gèstes dins las qualques oras que venon”.
Estrosi reclamèt lo desmantelament de totes los campaments de ròms establits dins l’estat francés e la confiscacion de lors mejans de transpòrt. En sas declaracions a Europe 1, l’elegit de l’UMP assegurèt, e mai, que “l’islam es incompatible amb la democracia”.
Aquela actitud d’Estrosi seguís las declaracions de l’èx-candidat del Front Nacional, l’ultradrechista Jean-Marie Le Pen, que qualifiquèt d’urticanta la preséncia dels grops de ròms a l’entorn de Niça. Le Pen mostrèt son chepic perque tre l’an que ven los ciutadans bulgars e romaneses auràn drech de trabalhar dins l’Union Europèa; e afirmava que de milièrs de ròms arribarián a Niça.
Lo ministre delegat a la Vila, François Lamy, qualifiquèt los mots d’Estrosi d’“imbecils e perilhoses”. “Opausa las gents del viatge als franceses. (…) Oblida que las gents del viatge son en plan granda majoritat de franceses”, çò deplorèt. Lamy tanben remembrèt que l’islam es la segonda religion de França.
De son costat, lo president de l’Union Francesa de las Associacions Gitanas (UFAT), Alain Daumas, qualifiquèt los mots d’Estrosi coma “lamentables de la part d’un èx-ministre”. “M’agradariá d’aver un bon debat amb Sénher Estrosi e amb totas aquelas gents que nos aiman pas. Que nos digan çò qu’eles an fach per França!”, çò declarèt a l’AFP en afirmant que sos grands avián combatut pendent la guèrra 1914-1918 e que sos parents foguèron internats pendent la Segonda Guèrra Mondiala. Daumas remembrèt tanben que los nomadas son pas forçadament de gitanos, e los gitanos son pas forçadament de nomadas.
De fach, la pression del Front Nacional se manifèsta sus l’UMP que, de mai en mai, frega l’extrèma drecha. Dijòus passat, un elegit de Nimes s’escalustrèt perque Carrefour aviá publicat un catalòg “especial Ramadan”, del meteis estil que los catalògs “especial Nadal” o “especial Pascas” qu’edita l’ipermercat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Snif.
Me soi totjorn estonat d'aquesta ironia de l'istòria: los Rroms (agent migrat de las Indias) son presents en Europa dempuèi del sègle X ou XI, me sembla, e ja an'aquest moment avian un cultura rica e plan omogenèa. A veire la carta culturala de l'Europa d'uèi (amb d'entitats coma "França" o "Espanha") podem, d'un cèrt biais los considerar, los Rroms, coma l'un dels mai ancians pòbles ou una de las mai ancianas culturas d'Europa. Mai enfin...
Per s'informar sus tot aquela història e sus aquel combat europèu... Aconselhi a tot-a-s un site (en fr.) "la Votz dels Rroms" : http://rroms.blogspot.fr/
#3
Qué proposatz coma desdomatjament pels 8 sègles d'ocupacion d'Occitània per França?
Me sembla qu'aquò farà un pauc mai car qu'un camp de fotbòl....
ocupament illegau d'un terren de fotbal, impossible de leis expulsar, SOS racisme velha, de centenassa de mil d'euros de fres, coam faire pèr se faire desdomatjar ? Jamai i a agut un sou de pagat pèr lei gènts dau voiatge . aquo se produtz de pertout ;per ara, à Montpelhier, gueranda etc se 150 caravanas plenas de socis de l'IEO s'avisan d'ocupar un terren de fot, SOS racisme restarià mut coma un peis e un tribunau lei condemnarià a pagar lo terren degalhat. aqui parlam dei boumians o caraco francés, d'quelei qu'an lo marrit rotle dins la pastoralo catalans o provençaus, mai ei ren, a costat dei roms venguts deis ancians paradis socialistas de Romania e de Bulgaria, se nautres leis avèm tant sià pauc aprivadats, eli, lei dictaturas dau proletariat n'an agut fach de comunautats delinquèntas e l'Europa li duèrbe lei braç e coma es en França que li a lou mai d'avantatges sociaus e lei tribunaus lei pus indulgents..... a ieu pereu m'agradan força lei filmsde Toni Gatlif, lo romavatge ai Santas marias de la mar, lei poeisas de Galtier e el cante jondo de Garcia Lorca, mai un consol, un "maire" es pas necessariament un cinefil o un amator de poesia, li a d'autras urgèncias
Un nomada al nom occitan : Daumas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari