Actualitats
Marselha: an ensajat de negar un policièr sus la Plaja dei Catalans
Un autre policièr salvèt son companh de l’agression en dispersant de gas lacrimogèn, çò que provoquèt la fugida dels banhaires en estat de chòc
Un policièr foguèt agredit violentament diluns passat de tantòst per un trentenat de joves que perturbavan los banhaires sus la Plaja dei Catalans, al centre de Marselha. L’agent foguèt tustat al cap e mantengut jos l’aiga pels agressors.
Après l’agression, l’agent foguèt menat a l’espital. Un jovent e una joventa, menors, foguèron detenguts e plaçats en gàrdia a vista, del temps que los autres membres del grop prenguèron la fugida. Lo parquet dobriguèt, diluns meteis, una enquèsta preliminara per temptativa d’omicidi.
Los faches se produsiguèron un pauc abans 16 oras. Una altercacion se declarèt entre mai d’un jove e un paire de familha embestiat perque son nenon recebèt de sabla dins los uèlhs. Lo ton montèt rapidament. Lo policièr intervenguèt en ensajant de calmar los esperits, mai que mai una joventa que se mostrava fòrça violenta. De patac, lo policièr se trobèt entornejat per un trentenat de personas que lo tustavan e que lo menèron dins l’aiga per ensajar de lo negar. En vesent son collèga en perilh, un autre policièr intervenguèt en dispersant de gas lacrimogèn a l’entorn del grop d’agressors.
Lo gas s’escampilhèt sus tota la plaja e la majoritat dels estivants fugiguèron la plaja en plorant a causa del gas, sens prene lors afars e en estat de chòc.
La Plaja dei Catalans es ongan un luòc maldich, qu’aquelas violéncias grèvas seguisson d’episòdis de pollucion de l’aiga e mai una decision de la comuna de limitar lo nombre de banhaires.
Après l’agression, l’agent foguèt menat a l’espital. Un jovent e una joventa, menors, foguèron detenguts e plaçats en gàrdia a vista, del temps que los autres membres del grop prenguèron la fugida. Lo parquet dobriguèt, diluns meteis, una enquèsta preliminara per temptativa d’omicidi.
Los faches se produsiguèron un pauc abans 16 oras. Una altercacion se declarèt entre mai d’un jove e un paire de familha embestiat perque son nenon recebèt de sabla dins los uèlhs. Lo ton montèt rapidament. Lo policièr intervenguèt en ensajant de calmar los esperits, mai que mai una joventa que se mostrava fòrça violenta. De patac, lo policièr se trobèt entornejat per un trentenat de personas que lo tustavan e que lo menèron dins l’aiga per ensajar de lo negar. En vesent son collèga en perilh, un autre policièr intervenguèt en dispersant de gas lacrimogèn a l’entorn del grop d’agressors.
Lo gas s’escampilhèt sus tota la plaja e la majoritat dels estivants fugiguèron la plaja en plorant a causa del gas, sens prene lors afars e en estat de chòc.
La Plaja dei Catalans es ongan un luòc maldich, qu’aquelas violéncias grèvas seguisson d’episòdis de pollucion de l’aiga e mai una decision de la comuna de limitar lo nombre de banhaires.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Coma que, un Front Nacionau fariá tanben mestièr per Occitania. Bravo
"Lor faudriá una BONA GUÈRRA per lei calmar aquelei pichòts cons" coma diriá l'autre nèci
#3 Aparentament la menaira/menairitz vendria dau quartier dau Panier, qu'es l'exacte encontrari de çò que conoissut en França coma "banlieue".
Aví paur que lo Sr Cardenal respondossi pas, sus una hèita d'aquesta mena... Urosament, uèi nos estauvia la soa analisis de granda qualitat.
Una question totun : meilèu que de se demandar d'ont venivan aqueths jovens, seré mei eficaç e pertinent de se demandar dens quinas condicions viven, quantes d'entre eths an un tribalh o son escolarizats, e dens quinas escòlas... Se podem tanben demandar encara ont es passat lo famós "Plan Banlieue" que tots los gobernaments repossan dempuish pausa ?
#1 Venon de Marselha ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari