Actualitats
Vilamanda: grand recampament d’animals totemics
La tradicion de las bèstias totemicas es fòrça viva en Bas Lengadòc
Tèxte legit
La vilòta de Vilamanda (Montpelhierenc) aculhirà lo 20 de mai que ven un grand recampament d’animals totemics al Mercat dels Rasims, sala Marcel Peysson. La jornada comprendrà de matin una conferéncia, d’exposicions, un espaci de librariá e patrimòni. Puèi, a 14h30, i aurà lo grand passacarrièra de las bèstias totemicas. Per mai d’informacion podètz clicar sus aqueste ligam.
La tradicion de las bèstias totemicas es fòrça viva en Bas Lengadòc. Demest l’ochantena d’aquelas bèstias se tròba lo Buòu de Mesa, lo Polin de Pesenàs, la Tarasca de Tarascon, lo Camèl de Besièrs, lo Lop de Lopian, l’Ase de Ginhac, lo Pelican de Puègserguier o lo Tribus Lupis de Cornonterralh. Son faches de fusta e de tela e portats plan sovent per de joves amagats dedins. Cadun a una istòria legendària, una musica e un ritual de passejada totjorn dins un encastre de fèsta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De doblidar pas l'animal totemic de Vilamanda : "Lo Veidrac", qu'es una mena de senglar-drac, que foncciona coma lo buòu de Mesa. Es interessant perque dins lo cas de Vilamanda, se pòt parlar d'una invencion de la tradicion, per amor que lo vilatge n'aviá pas (o pas pus) d'animal totemic, (levat la Verge Maria, mas comptava pas...). La devèm a l'imaginacion e la creativitat pedagocia geniala d'un ancian regent, M. Camerlot (ne pòde parlar, qu'es estat lo mieu).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari