Actualitats
Lo departament d’Òlt e Garona s’engatja per la senhaletica en occitan
Dins los 4 ans avenidors, los panèls d’intrada de las vilas de las estradas departamentalas recobraràn lor toponim originari
Tèxte legit
Lo departament d’Òlt e Garona (Agenés e part d’Armanhac e de Labrit) va metre en plaça los panèls d’intrada de las vilas en occitan sus las estradas departamentalas. Lo 24 de març passat, lo conselh departamental votèt, a la demanda de Marcel Calmette, conselhièr departamental delegat a las lengas regionalas, d’i investir 180 000 èuros dins las 4 annadas avenidoiras (en rason de 45 000 èuros per an).
Ara, la seccion departamentala de l’Institut d’Estudis Occitans (IEO 47) prepausa son ajuda a las comunas e recomanda l’emplec del Diccionari Toponimic de las Comunas d'Òlt e Garona publicat en 2012, un obratge de Bénédicte Boyrie-Fénié escrich en collaboracion amb Andriu Bianchi, Pèire Boissièra, Patrici Gentié e Maurici Romieu que balha lo nom corrècte de cada comuna en occitan e n'explica l'origina e lo sens.
Per mai d’informacions se pòt contactar l’IEO 47
E-mail: eoe@wanadoo... – Sit : www.eoe-oc.org
Tel: +33(0)5 53 41 32 43
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari