Actualitats
Lo ministre de l’educacion francés fòrça mal aculhit a Lion e a París
Los manifestants empachan la vesita de Pap Ndiaye a l’Inspé de Lion. De retorn a París, li còsta sortir del tren dins una caçairolada
Tèxte legit
La vesita que lo ministre de l’educacion francés, Pap Ndiaye, deviá far diluns passat a Lion capitèt mal. Ndiaye prevesiá de se gandir a l’Institut Nacional Superior del Professorat e de l’Educacion (Inspé) al començament del tantòst mas foguèt obligat de cambiar de programa, çò rapòrta Libération. Una centena de manifestants l’esperavan davant l’establiment e ensagèron d’i intrar dedins del temps que los gendarmas los reprimissián amb de gases lacrimogèns. Lo ministre aviá anonciat sa vesita solament doas oras abans, çò que suscitèt una crida suls rets socials per anar l’aculhir.
De retorn a París, dins la gara de Lion, una molonada de manifestants esperavan lo ministre en fasent sonar de caçairòlas. Ndiaye demorèt un long moment blocat dins son tren a cai amb un dispositiu de seguretat important per téner los manifestants a distància.
Tant a París coma a Lion, los manifestants esprimissián lor malcontentament del govèrn francés per la reforma de las pensions de retirada e pel biais de l’aver impausada: “Nosautres també passarem en fòrça”, çò disián los manifestants arpitans.
De son caire, lo ministèri de l’educacion desmentís tota “anullacion” de la visita a l’establiment lionés e ditz que foguèt simplament reorganizada après la temptativa d’intrusion dels protestataris.
Visite annulée pour Pap Ndiaye à l’INSPE face à la casserolade générale qui l’attendait.
— Lyon Insurrection (@LyonInsurrectio) April 24, 2023
Les portes de l’INSPE ont cédé face à la foule, la police qui été débordée a répliqué à coups de gaz lacrymogènes avant de se barricader à l’intérieur du bâtiment. pic.twitter.com/0eBr5l3P3F
A #Lyon, le cordon de CRS empêche des pompiers en urgence de passer... Tout ça pour ne pas prendre le risque de déranger la venue de Pap N'Diaye... pic.twitter.com/VLTclkj8VD
— Sud Education 69 (@SudEduc69) April 24, 2023
Des manifestants poursuivent Pap N'Diaye, Gare de Lyon à Paris.
— Kim Jong Un 🇰🇵 🎄 (@KimJongUnique) April 24, 2023
Macron a vachement apaisé la situation avec ses 100 jours. #CasseroladeGénérale
➡️ Telegram : https://t.co/20KEe7N4Jrpic.twitter.com/BFdhPL96Fo
Scène assez incroyable, le ministre de l’éducation nationale est pour l’instant bloque à à l’intérieur du train avec de nombreux policiers. La sortie est pour l’instant impossible pour Pap N’Diaye. pic.twitter.com/4lhB2r0hna
— Remy Buisine (@RemyBuisine) April 24, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari