Es mòrt a 81 ans François Léotard, òme politic provençal de portada estatala. Fraire de l’actor e cantaire Philippe Léotard (1940-2001), foguèt ministre pendent las doas coabitacions de la presidéncia de Mitterrand, tenguèt lo pòrtafuèlha de la cultura entre 1986 e 1988 jol govèrn Chirac e lo de la defensa entre 1993 e 1995 quand Balladur èra primièr ministre. Assumiguèt tanplan la presidéncia del Partit Republican puèi de l’UDF dins los ans 1990, mas finiguèt qu’abandonèt la politica, tant per de condemnacions per de faches de corrupcion coma per la vòlha de se consagrar a l’escritura.

D’originas a l’encòp còrsas e occitanas, reconeguèt en 2011, dins una entrevista al quotidian Corse-Martin, qu’aviá crescut entre lo provençal, lo còrs e lo francés.

Lo decès de Léotard l’anoncièt dirèctament lo president francés, Emmanuel Macron, suls rets socials. En 2022, lo politician occitan l’aviá sostengut a la presidenciala.

François Léotard a servi l’État et porté une grande idée de la culture. Avec sa disparition, nous perdons un esprit libre, un homme de livres et d’engagement. Son Var natal, la France qu’il a défendue, la République qu’il aimait éprouvent aujourd’hui une grande perte.

— Emmanuel Macron (@EmmanuelMacron) April 25, 2023