Una dotzena de membres presumits d’un gang son estats lapidats e cremats vius per carrièras, victimas d’abitants de Port au Prince. Los imatges son esglasiants.

Dimars passat, qualques quartièrs de la capitala haitiana coneissián de moments de nauta tension. Darrièrament, lo 65% de la metropòli es contrarotlat per de bandas armadas consagradas al trafec de las drògas, a l’extorsion e als panatòris. Dimars, de joves armats d’aqueles gants patrolhavan dins de camionetas pick-up dins los quartièrs centrals de Debussy, Pacot, Turgeau e Canapé-Vert. Los estatjants esperavan dins lors ostals l’intervencion de la polícia nacionala, qu’intervenguèt tant armada coma una fòrça militara. Los afrontaments entre los gangs e la polícia faguèron barrar las botigas, los petits buses del transpòrt en comun e las camionetas de taxis.

Dins l’airal de Canapé-Vert, la polícia arrestèt un petit bus que transportava de joves armats que se gandissián dins lo centre vila. Los agents los faguèron davalar del bus e lor prenguèron totas las armas que portavan. Segon la version de las fòrças de l’òrdre, foguèron linchats e cremats vius per d’abitants del quartièr.

Los imatges que los publican divèrses mèdias en linha mòstran lo grop de joves estirats al sòl environats de pneumatics. Los policièrs son presents. Un autre enregistrament mòstra los pneumatics alucats.

Es complicat que se dobrisca una enquista e que i aja de mesuras judiciàrias. Los mòrts èran de membres de gangs e, per tant, fòrça abitants consideraràn qu’es legitim de los linchar e executar.

En octòbre passat, Haití demandava d’ajuda militara internacionala per metre fin a sa situacion d’inseguretat. La crisi umanitària es provocada per la resurgéncia sobda del colèra e pel contraròtle de las carrièras per las bandas armadas.

Port-au-Prince #Haiti today police and the population killed and burned Bodies of 14 gang members armed with rifles and handguns pic.twitter.com/urh2bIvEnZ

— Edson Samson (@Mr_Edson_Samson) April 24, 2023