Actualitats
Fotbòl: Tolosa ganha la Copa de França de 2023
L’esquipa de la Ciutat Mondina a pas mancat pas una escasença istorica per emportar un títol qu’aviá pas dempuèi la sason 1956-1957
Tèxte legit
Lo Tolosa FC ganhèt dissabte la Copa de França de fotbòl après una victòria epica contra lo club de Nantas. L’esquipa occitana faguèt 4 gòls a la bretona dins la primièra mièja ora e Nantas capitèt pas brica a far fàcia al vam de son rival. Lo Tolosa FC a pas pas mancat una escasença istorica per ganhar un títol que li escapava dempuèi la temporada 1956-1957.
L’esquipa de la Ciutat Mondina arribèt a la pausa amb un net e clar 4-0. La còla nantesa cerquèt pas lo miracle de remontar, al contrari. Totun, Nantas obtenguèt un ponch gràcias a una penalitat lançada per Ludovic Blas, mas Zakaria Aboukhlal marcariá lo cinquen gòl per Tolosa en daissant un resultat final de 5-1.
E mentre que los occitans desplaçats a l’estadi de França, a París, festejavan la victòria amb l’esquipa, sus la Plaça del Capitòli de Tolosa, de milièrs de personas manifestavan lor jòia en tot cantar l’imne occitan après aver seguit la partida sus un ecran gigant.
Pendant ce temps là, du côté du Capitole... 🎶💜#FCNTFC#CoupeDeFrancepic.twitter.com/jTsksStrPl
— Toulouse FC (@ToulouseFC) April 29, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Victòria occitana ?Unes Se Canta, Indians coma sosten, quauquas bandièras occitanas mas un club qu'aparten a un fons american, amb jogaires causits per d'algoritmes... La question deu èsser pausada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari