Khader Adnan, considerat coma un membre de Jihad Islamica e ancian pòrtavotz de la formacion, moriguèt dimars dins una preson israeliana après 87 jorns de cauma de la fam. Aviá 45 ans.

Un mètge de l’organizacion Physicians for Human Rights Israel vesitèt fa gaire Adnan en preson, avisèt qu'èra davant “una mòrt imminenta” e demandèt que lo menèsson urgentament dins un espital perque patissiá de problèmas de mobilitat e èra pas capable de téner una “convèrsa simpla”.

L’ONG Middle East Eye denoncièt lo fach qu’Adnan se trobava embarrat jol regim israelian de detencion administrativa. Aqueste regim permet que se detenga de palestinians sens cargas ni jutjament per de periòdes de renovables, que normalament van entre 3 e 6 meses, sus la basa de pròvas non reveladas que pòdon quitament pas veire los avocats dels detenguts.

Khader Adnan foguèt arrestat lo 5 de febrièr, anoncièt que començava una cauma de la fam e refusèt d’examens medicals e de tractaments. Èra acusat de far partida d’una banda armada. Anteriorament, aviá fachas quatre caumas de la fam dins de presons de l’estat ebrieu, dont una de 66 jorns en 2012 en protèsta per sa detencion sens cargas e una autra de 50 jorns en 2015.

Hamza, fill del pres Khader Adnan, mort a la presó sionista "Oh heroi, el teu nom fa tremolar els carcellers! Vergonya per als qui es quedin a casa!, Khader, crida'ns i els oprimits ens alçarem!" #Palestinapic.twitter.com/qPsoZPEo8E

— L'Accent (@laccent) May 2, 2023

Vaga general a Palestina en resposta a la mort del presoner Khader Adnan https://t.co/2ydOYiVX8E

— L'Accent (@laccent) May 2, 2023

I made this toon in solidarity with Palestinian activist Khader Adnan who in 2012 went on a hunger strike in protest against his illegal detention by #Israel. Arrested again in 2023, Mr.Adnan passed away today after a long hunger strike.
His struggle remembered in a wall in #Gazapic.twitter.com/gmlG5Y0xwD

— Carlos Latuff (@LatuffCartoons) May 2, 2023