Actualitats
La polemica pèira escocesa del coronament de Carles III d’Anglatèrra
Lo monarca anglés seirà sus un simbòl de l’independéncia escocesa dins sa ceremònia de coronament
Tèxte legit
Los mèdias parlan pro del coronament del rei Carles III d’Anglatèrra que se ten uèi; mas pauques mençonan la Pèira del Destin, un simbòl de l’independéncia escocesa que la monarquia anglesa emplega per l’umiliar. S’agís d’una pèira de 60x30 centimètres que pesa unes 152 Kg e qu’a comptar del sègle XIII s’empleguèt en Escòcia per las ceremònias de coronament de sos reis.
La pèira foguèt transportada la setmana passada d’Escòcia a Londres per la plaçar jol lo tròn del coronament de Carles III. Pasmens, Alex Salmond demandèt al primièr ministre escocés, Humza Yousaf, que non autorizèsse pas lo transferiment de la pèira perque èra un simbòl de l’independéncia escocesa, çò rapòrta Vilaweb. De fach, per fòrça escoceses, lo fach que la pèira siá encastrada dins un tirador jol sobeiran anglés es considerat coma un simbòl de la somission de lor pòble.
Istòria d’una pèira venguda simbòl nacional
La pèira, lo rei Edoard Ir d’Anglatèrra la portèt a Londres en 1296 coma botin de guèrra après aver vencut los escoceses. La placèron jol tròn de coronament dels monarcas a l’abadiá de Westminster e i sesián dessús los monarcas britanics quand se coronavan.
En 1950, un grop d’estudiants escoceses la raubèron e la tornèron en Escòcia. Se considèra que foguèt una de las primièras grandas accions del movement independentista escocés. Qualques meses pus tard, la polícia recobrèt la pèira e la remandèt a Londres. D’aquel episòdi i a totplen de cançons, s’es escrich de libres e quitament s’es rodat un filme.
En 1966, après una longa e constanta revendicacion, la pèira foguèt tornada en Escòcia e se placèt dins lo castèl d’Edimborg, ont se manteniá coma una part dels joièls de la corona escocesa. La pèira foguèt aculhida amb la meteissa ceremònia que s’acuèlh un cap d’estat.
Londres aviá raubat la pèira pendent sèt sègles, e la tornèt jos la condicion que foguèsse menada a Londres quand caldriá coronar un rei per la plaçar jol tròn.
En Escòcia, uèi s’anóncia divèrsas accions de protèsta contra la monarquia e en favor de l’independéncia.
The Stone of Destiny is now back at Westminster Abbey.
— Coronation News & Updates (@Coronation2023) April 30, 2023
Also known as the Stone of Scone, it was received at a special ceremony.
It is now being installed in the Coronation Chair. pic.twitter.com/nbjtYV2EO6
🇬🇧 Watch: Incredible high-security operation to move Stone of Scone for Coronation
— The Telegraph (@Telegraph) April 28, 2023
Stone returns to England for first time since 1996 as it is taken to Westminster Abbey
Read the full story here ⤵️https://t.co/eZ59loI0Bmpic.twitter.com/c5xfM6hqhd
🇬🇧 Watch: Incredible high-security operation to move Stone of Scone for Coronation
— The Telegraph (@Telegraph) April 28, 2023
Stone returns to England for first time since 1996 as it is taken to Westminster Abbey
Read the full story here ⤵️https://t.co/eZ59loI0Bmpic.twitter.com/c5xfM6hqhd
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari