En plan temps de secada e de restriccions de l’aiga, dins la comuna de Castèunòu de Grassa (País de Grassa) se planhon del degalhatge que ne fan impunament las celebritats. De personalitats coma Silvio Berlusconi, l’ancian rei dels bèlgas Albèrt IId o lo grand duc Enric de Luxemborg asaigan lors pelenas, emplenan lors piscinas e despensan d’aiga sens comptar: “Certanei proprietaris privats consuman mai qu’un ostau de retirada de 200 personas. Avèm de pics de 2000m³ per semana”, çò ditz lo cònsol màger dins un reportatge que lo publica Libération. “Son de gents qu’an 14 ectaras de parcèla e tres piscinas. An ges de consciéncia ciutadana”, çò precisa.

Malgrat las restriccions prefectoralas e los planhs dels abitants —que pòdon pas lavar lor veitura, emplenar lor piscina e pas quitament aisagar las tèrras agricòlas ni lor òrt— es impossible de dissuadir aqueles grands degalhaires. Las multas an pas cap d'incidéncia sus eles. “Quand fau una remarca, cridan la ministra deis afars estrangiers, lo President. Aquò se tracta au dessús de ieu”, çò ditz lo cònsol màger en tot apondre qu’an “l’immunitat diplomatica. En mai d’aquò, sei domenis son susvelhats per de gardacòrs ò de militars d’autrei país”.

La commune de Châteauneuf-Grasse (06) voit sa consommation d’eau exploser à cause de plusieurs célébrités, dont Silvio Berlusconi, qui arrosent leurs pelouses et remplissent leurs piscines sans se soucier des restrictions. https://t.co/cxNJcGpV3G

— Libération (@libe) May 7, 2023