Un òme d’unes 30 ans es grèvament espitalizat a Avinhon après recebre cinc balas. Doas gendarmas li tirèron dessús quand l’òme se precipitava sus elas en las menaçant amb un cotèl e una barra de fèrre dins un airal de repaus sus l’autoestrada A7 a Mornats (Tricastin). Aquò se passèt dimenge devèrs 14h30, quand los dos gendarmas lo contrarotlèron pr’amor qu’èra près del començament d’un fuòc de bartasses, çò rapòrta Le Dauphiné Liberé. Los gendarmas aguèron de nafras leugièras e foguèron sonhats a l’espital d’Aurenja.

L’òme es tanplan suspècte d’èsser a l’origina d’un accident de bus amb 35 passatgièrs que se faguèt a aquel meteis endrech la velha. Segon un passatgièr interrogat per Le Dauphiné, l’òme se seriá sarrat del menaire e auriá balhat un còp de volant en provocant la collision del bus contra un tèrraplen. Aquò nafrèt 13 personas dont un nenet. Après l’accident, l’òme fugiguèt.

Per ara se coneis pas las motivacions de l’atacaire, que farà l’objècte d’una expertesa psiquiatrica quand son estat de santat o permetrà. Pasmens, l’ipotèsi terrorista es pas escartada: al moment de menaçar las doas gendarmas que lo fusilhèron l’òme cridèt “Allāhu akbar” (Dieu es grand), una expression utilizada dins lo mond musulman coma exclamacion informala e coma exclamacion de fe, mas que darrièrament l’emplegan tanben los jihadistas coma crit de guèrra.

VAUCLUSE : Un homme menaçant, armé d’une barre de fer et d’un couteau, a été neutralisé par balles près de l'aire d'autoroute de Mornas. Il était recherché pour avoir provoqué l'accident d'un bus sur l'A7 ayant blessé 14 personnes, en voulant prendre le volant (La Provence). pic.twitter.com/TFuabyZLFw

— Infos Françaises (@InfosFrancaises) May 7, 2023

🔴 Mornas : Un homme neutralisé par balles alors qu'il attaque deux gendarmes en criant «Allah akbar»
►Le suspect aurait délibérément provoqué un accident de bus la veille, faisant treize blessés dont un bébéhttps://t.co/0jRRgpSKlA

— Actu17 (@Actu17) May 7, 2023