Li disián Ahmed Assem, e a 26 ans èra fotograf. Lo darrièr còp que trabalhèt foguèt al Caire diluns passat, pendent las protèstas a l’exterior de la bastissa de l’armada ont se cresiá que i aviá de retengut lo president reversat Muhammad Mursi. Assem enregistrèt las protèstas e tanben sa mòrt.

Lo jornal britanic The Daily Telegraph a publicat aquesta informacion e lo vidèo ont, supausadament, se vei los darrièrs imatges qu’enregistrèt. I apareis un òme armat amb un rifle que tira repetidament. En un moment determinat, se vira cap a l’endrech ont i a la camèra, e es la fin del vidèo.
 
D’amics e de collègas del jove reportaire asseguran qu’Ahmed Assem moriguèt de la bala que lo franctiraire li tirèt sul cap pendent que trabalhava. Un òme, amb la camèra plena de sang a la man, los anèt avertir que son amic èra ferit.
 
Los Fraires Musulmans asseguran qu’aquel vidèo demòstra qu’es l’armada que fusilhèt contra los manifestants la matinada de diluns.
 
Egipte espèra d’aver constituit lo govèrn de transicion la setmana que ven. A l’ora d’ara la violéncia contunha.