Actualitats
Perpinhan: manifestacion per defendre lo catalan
Es la responsa a la decision de la justícia francesa d’enebir lo catalan dins los conselhs municipals de Catalonha
Tèxte legit
Manifestèron pel catalan davant la prefectura de Perpinhan ièr dimècres, après que lo Tribunal Administratiu de Montpelhièr aguèt decidit la velha d’enebir l’usatge del catalan dins los conselhs municipals de las comunas nòrd-catalanas d’Elna, Els Banys, Portvendres, Tarerac e Sant Andreu de Sureda. Los manifestants seguissián la crida del Collectiu 2 d’abril qu’aviá lo sosten d’Òmnium e del Conselh de la Republica.
Los manifestants considèran que cal, forçadament, que lo catalan venga lenga oficiala en Catalonha Nòrd per n’assegurar lo mantenement. “Lo rei absoludista Loís XIV interdiguèt l’usatge oficial de la lenga catalana lo 2 d’abril de 1700. Fa 323 ans…”, çò recòrda lo Collectiu 2 d’Abril en tot assegurar qu’aquela “enebicion es totjorn en vigor; es estada mantenguda per de monarquias, d’empèris e de republicas”.
“Feblesa espantanta” de la Republica Francesa
Lo cònsol màger d’Elna, Nicolas Garcia, disiá dins una entrevista sus Vilaweb que“la Republica Francesa, e, en tot cas, sa justícia, presenta un imatge de feblesa espantanta”. Per Garcia, “aquela senténcia vòl dire que la Republica se sent menaçada pel fach que se parle primièr en catalan e puèi en francés. Aquò, dins un endrech de l’estat francés ont la lenga istorica es lo catalan, e mai siá a l’ora d’ara la mens parlada. Nos i acostumam, tanben amb çò de la lei de las retiradas, que Macron pòt pas quitament sortir per carrièras. La Republica Francesa se mòstra fragila. Se nosautres podèm far perilhar la granda Republica Francesa, que vendrà aquesta d’aicí a gaire?”
📣 Som a la concentració a Perpinyà en defensa del català
— Plataforma per la Llengua (@llenguacat) May 10, 2023
🤝 Els membres de l'executiva @ForcadellCarme i Enric Balaguer han fet costat als batlles encausats com el d'Elna, que ha regraciat la feina de @llenguacat
🗨️ Continuarem defensant el català a la #CatalunyaNord! pic.twitter.com/4x6Km5MN0P
A la concentració de Perpinyà per defensar el català davant dels atacs i menyspreu de l'Estat francès I per donar suport als alcaldes encausats. pic.twitter.com/zDgTTPkIVO
— Carme Forcadell Lluís (@ForcadellCarme) May 10, 2023
Ara mateix, concentració a Perpinyà a davant de la Prefectura per denunciar la decisió del tribunal administratiu de Montpeller de prohibir l’ús del català als plens municipals de la Catalunya Nord. pic.twitter.com/do7V9vApYT
— Josep BONET 🎗 (@jepbonet) May 10, 2023
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
— Se nosautres podèm far perilhar la granda Republica Francesa, que vendrà aquesta d’aicí a gaire?”
— Une dictatura financiària ? O es ja venguda ! Çò que non rapòrta sulpic als mai rics ni als grands invesitissèires se pòt anar far veire endacòm mai, lèu lèu ! Aital ne va de nòstras lengas. Sèm regits per d'agents comptables sense cap brica mena de vision culturala ni sociala, nimai societala : sonque lo ponhon, pel ponhon, de gestion rentabilista d'entepresa, coma se de viure en societat, de far societat, aquò èra una entrepresa per raportaer moneda, a escasuda tan corta que se poguèsse. Son venguts complètament capbords. Las societats umanas non son pas jamai estats entrepresas de producticas…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari