Situacion d’incertitud en Turquia a prepaus de l’eleccion presidenciala. Los resultats oficials autrejan una victòria estrecha a l’actual president, Recep Tayyip Erdoğan, fàcia a Kemal Kılıçdaroğlu, mas l’oposicion assegura que las donadas son falsificadas e que caldriá anar al segond torn. Fins finala, caldrà anar al segond torn.

Lo comptatge dels vòtes lo fa l’agéncia estatala Anadolu. Los cònsols màgers d’Istambol e Ankara, Ekrem İmamoğlu e Mansur Yavaş, respectivament, se son mostrats fòrça critics envèrs Anadolu, dison qu'a pas bona reputacion e an demandat als ciutadans que se fisen pas d'el. Per contra, lo pòrtavotz del partit AK d’Erdoğan a assegurat als mèdias que lo comptatge dels vòtes es transparent.

Las eleccions son estadas caracterizadas a la fin per un viatge imprevist d’Erdoğan a Ankara, mentre que, de costuma, se gandís a Istambol per esperar los resultats de las nuèches electoralas.

D’observaires internacionals detenguts

La polícia turca a retengut per los interrogar almens dos observaires internacionals, segon nòstras informacions. S’agís del deputat basco Jon Iñarritu d’EH Bildu e la catalana Isa Chacón, la secretària nacionala de la CUP. Los dos fasián partida de la delegacion europèa organizada pel Partit Democratic del Pòble HDP, la principala formacion pròcurda en Turquia.

De fach, tres setmanas abans l’eleccion presidenciala, l’HDP denoncièt la detencion d’una centenas d’avocats, de jornalistas, de directors de campanha e de proprietaris d’estampariás que collaboravan amb la campanha electorala.

⚠️ ATENCIÓ! Retinguda per la policia turca una secretaria nacional de la CUP que era a la ciutat #Siirt, fent d'observadora internacional amb una delegació organitzada pel @HDP_Europe, amb motiu de les eleccions a Turquia.

— CUP Països Catalans (@cupnacional) May 14, 2023

EH-Bildu MP Jon Iñarritu and CUP representative Isabel Chacón, who were part of the election observation delegation from Spain 🇪🇸, were taken to the police station.

While at the international level parliamentarians are not supposed to be questioned by the police, in Siirt the…

— HDP Europe (@HDP_Europe) May 14, 2023