Lo videopodcast País Invisible es estat guierdonat del prèmi Sonor dins la categoria de la melhora produccion. Aquel prèmi, que l’autrejan la revista La Mira e Catalonha Ràdio, es ja, dins sa segonda edicion, un dels guierdons mai importants per las produccions d’àudio en catalan. Las recompensas s’autregèron diluns passat, 15 de mai de ser, dins l’estadi del club de fotbòl de Barcelona.

País Invisible es un videopodcast que cèrca de far conéisser Occitània al public catalan. Produch per l’Associacion per la Difusion d’Occitània en Catalonha, que mena a bon tèrme Jornalet, País Invisible es dirigit e presentat per Zep Armentano amb la collaboracion de Ferriol Macip e David Valls.

Lo videopodcast prepausa un viatge sonòr de la Val d’Aran fins a las Valadas en parlant de la cultura, de la musica e de l’istòria de cada encontrada e en presentant los diferents accents de l’occitan e las tradicions de la societat occitana, de Bordèu a la Gàrdia en passant per Mónegue. Lo podcast aprofiècha totes los enregistraments faches pels autres mèdias de l’associacion, coma Jornalet o las emissions sus la cadena de television barcelonesa Betevé.

"Alguns pòdcasts porten més feina que d'altres" --@MagdaGregori

Occitània és inabastable, enorme, fragmentada, i invisible! Gràcies al jurat per reconèixer l'esforç d'aquesta producció que ens ha fet suar com Mossèn Cinto pujant al Canigó!

🏔🏔🏔🏔 pic.twitter.com/4blfZE8oeE

— País Invisible Podcast (@paisinvisible) May 16, 2023

El premi a la millor producció és per l'equip de @paisinvisible. Un podcast que fa una ruta guiada per la nació sense estat d'Occitània: des de la Vall d'Aran fins a Torino. El jurat valora l’esforç d’un territori ampli, la seva gent i els seus espais.#PremisSonorpic.twitter.com/zeDmuPPMOx

— LA MIRA (@lamira) May 15, 2023