Actualitats
Canas: a començat la 76a edicion del festenal internacional del cinèma
Ongan, an plaçat 833 camèras de videosusvelhança, un milièr de policièrs e de gendarmas e 256 pòstes de contraròtle a causa del malcontentament social
Tèxte legit
Comencèt dimars la 76a edicion del Festenal de Cinèma de Canas. Un an de mai, fins al 27 de mai, la vila de Vencenc ven la capitala mondiala del cinèma. 21 filmes concorreràn per obténer la Palma d’Aur fàcia a una jurada ongan presidida pel realizaire suedés Ruben Östlund, ganhaire dos còps d’aqueste prestigiós guierdon. Fòra competicion se poirà veire, entre plan d’autres, lo darrièr cortmetratge de Pedro Almodóvar, lo darrièr filme d’Indiana Jones e la darrièra produccion de Pixar.
Lo conegut tapís roge del Palais del Cinèma, sus la passejada de la Croseta, lo trepejaràn ongan de celebritats coma Harrison Ford, Martin Scorsese o encara Michael Douglas qu’en aquesta escasença ten la Palma d’Aunor.
Almens 40 000 personas vesitaràn ongan l’eveniment, segon las previsions de la comuna de Canas.
L’edicion d’ongan se debana jal mitan d’un malcontentament social contra la deriva autoritària del govèrn de França e, per tant, an desplaçat un milièr de policièrs e de gendarmas e establit 256 pòstes de contraròtle e 833 camèras de vidèosusvelhança.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A çò que se ditz pareis que La Seria participarà, avetz mai d'informacions sus aqueste sicut ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari