Actualitats
Lemòtges: serada d’omenatge e de sosten a Bernat Combi
De problèmas de santat empachan lo grand artista lemosin d’expression occitana de produire
Tèxte legit
Dimècres venent, 24 de mai, la Librariá Occitana de Lemòtges organiza una serada d’omenatge e de sosten a Bernat Combi, grand artista lemosin d’expression occitana, cantador e musician. Darrièrament, Combi a agut de problèmas de santat que se’n restablís dapasset, mas que l’empedisson de produire. Per tant, los beneficis d’aquela serada daissats al capèl li seràn remeses.
L’eveniment, animat per Jan dau Melhau, serà l’escasença de descobrir Bernat Combi, l’òme, sa musica e sos engatjaments. Comprendrà de projeccions e una suspresa.
Per mai d’informacions o per se marcar, podètz telefonar al +33(0)5 55 32 06 44 o escriure a libraria.occitana@ieo-lemosin.org. Es important de reservar car lo nombre de plaças es limitat.
Velhada d’omenatge e de sosten a Bernat Combi
Librariá occitana
Botiga de l’Institut d’Estudis Occitans de Lemosin
42, Carrièra Nauta Vinhana (en francés: 42, Rue Haute-Vienne)
87000 LEMÒTGES
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Non solament cal escotar aqueste "druide" d'un autre temps (neolitic tardiu), mas lo cal tanben absoludament legir. Aqueste òme es un monument artistic a el-solet.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari