En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, retrobam l’entrevista del cercaire bordalés Dàvid Escarpit a prepaus del rugbi e de l’identitat occitana, que serà sa contribucion a la taula redonda que se tendrà a l’ecomusèu de Marquesa, a Sabras (Lana Gran), lo 30 de junh.

Ligar rugbi e identitat… de faiçon intuitiva, es pas quicòm de complicat dins los païses occitans de l’oèst ont l’implantacion de la veishiga es establida. Un bon nombre de grands clubs del Tòp 14 e de Pro D2 son de clubs d’Occitània, a començar pel numèro un actual que coneissètz totes. Mas lo 30 de junh a l’ecomusèu de Marquesa, sus la comuna landesa de Sabras, una taula redonda abordarà lo rugbi jos tot un fum d’autres angles dont l’etnologic ! N’avèm parlat amb Dàvid Escarpit que n’es a l’iniciativa.