Actualitats
Arbes frutèrs entà noirir es orsi en zònes aluenhades des populacions
En limit de Catalonha e Coserans an plantat milèrs de jordoères, pomèrs, ceridèrs, moishèrs e aladèrns
Tèxte legit
Eth municipi catalan de Lladorre, en contacte damb es comunes coseraneses d’Usto e Coflents, ven d’acuélher era plantacion de 7000 arbes frutèrs entà contribuir ara preservacion der ors. Atau se facilite eth noiriment des plantigrads en zònes aluenhades des populacions.
Eth projècte se nomente “Enriquiment dera biodiversitat en zònes orsalhères” e ei desvolopat pera Fondacion Ors Brun, ua ONG espanhòla qu’en 2016 comencèc a pensar un hilat d’espacis que facilitèssen eth movement dera espècia enes Pirenèus. Damb aguesta tòca an plantat pomèrs, ceridèrs e moishèrs en 17 airaus de tot eth costat sud des Pirenèus.
Es frutèrs sauvatges son ua hònt d’alimentacion fonamentau entàs orsi e, per tant, disposar d’un abitat ric en aguest recors pòt perméter era convivéncia des plantigrads damb es umans e es autes espècies.
En 2018 e 2019, se plantèren aquiu 9150 jordoères, pomèrs, ceridèrs, moishèrs e aladèrns.
Toti aqueri frutèrs son plantats laguens deth Parc Parc Naturau deth Naut Pirenèu e en terrens limitròfs privats e damb toti s’a signat un acòrd de proteccion deth territòri.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una presentacion plan mai positiva per l'avenir dels pirenencs que los abituals imbecils que s'opausan al lop, a l'ors e a tota renavida economica locala basada sul l'ecosistem pirenenc.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari