Actualitats
Los Republicans presentan lor projècte contra l’immigracion
Anóncian que presentaràn doas proposicions de lei e que vòlon cambiar la Constitucion francesa
Tèxte legit
Après aver mostrat de divisions intèrnas sus la polemica reforma de las retiradas, lo partit francés de drecha conservatritz Los Republicans presenta un projècte sus l’immigracion que los sarra de l’extrèma drecha. L’edicion de ièr dimenge de Le Journal du Dimanche presentava en exclusivitat lo darrièr projècte de la drecha tradicionala francesa amb una entrevista d’Éric Ciotti, Olivier Marleix e Bruno Retailleau ont anóncian que presentaràn aquesta setmana doas proposicions de lei ofensivas per “cambiar totalament de quadre en matèria de politica migratòria”.
La primièra proposicion de lei cèrca de cambiar la Constitucion per “permetre la tenguda d’un referendum sus la politica migratòria. A l’ora d’ara, la lei fondamentala de l’estat francés accèpta de referendums sonque sus l’organizacion dels poders publics e las reformas economicas, socialas e environamentalas.
A mai, Los Republicans comptan d’inscriure dins la Constitucion “la possibilitat de derogar a la primautat dels tractats e del drech europèu […] quand «los interèsses fondamentals de la nacion» son en jòc”. A mai, vòlon tanben “alçar al reng constitucional lo principi d'assimilacion “.
La segonda proposicion de lei cèrca de restrénher las ajudas socialas e medicalas, de facilitar las expulsions, de restablir lo delicte de sojorn irregular e la dobla pena que consistissiá a condemnar e puèi expulsar un estrangièr jutjat colpable d’un delicte.
Los conservators franceses an enfin idèa de restrénher las condicions d'obtencion del ciudatanatge al títol del drech del sòl, en suprimissent aquel drech quand los parents estrangièrs son en situacion irregulara al moment de la naissença de l’enfant.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los (pretenduts) "Republicans" comptan d’inscriure dins la Constitucion (de lor fotut estat-nacion assimilacionista francés) “la possibilitat de derogar a la primautat dels tractats e del dreit europèu […] quand «los interèsses fondamentals de la nacion» son en jòc”. E donc, quand los interèsses fondamentals de la nacion occitana son en jòc, se lo seguissèm, devèm cobrar "la possibilitat de derogar a la primautat del dreit francés", segon la rigorosa menteissa logica ?
Aqueles arganhòls se prentendon "Republicans". Aquò insulta la memòria dels democratas "espanhòls" (catalans, basques, e castilhans) que son mòrts en luchant o s'an degut fugir la ràbia ultraviolenta de la dreita extrèma del putsch franquista de 1936.
Mas subretot, non caldriá pas oblidar tanpauc que la "Republica", non es un afar de nacion ni de nacionalitat. Es un afar de civisme. La "Res Publica" es la "causa publica", la del pòble (de quin pòble que siá, definit per sa lenga). Aquí avèm afar a un projècte de lei de "Reprivada", un projècte que consistís a exclure una partida del pòble dins la perpectiva fallaciosa de profieitar a una autra partida del pòble. L'ideal del partit dit "Les Républicains" en França es un ideal privatiu, ja que priva lo mai grand nombre al solet profièit d'un ponherat d'arlandièrs espleitaires sense estat d'anma. Aquel projècte a un vièlh nom : capitalisme. Es çò que permet d'identificar un projècte politic coma essent de dreita. Sabètz, coma, per exemple, los projèctes "socialistas" de la mitterrandalha pòst 1983, de la jospinalha, de la holandalha e de totes aqueles mariòls siá disent "republicans" qu'acaban de far crebar la democracia representativa.
Quora proclamarem la democracia dirècte del pòble, a la favor del pòble, dels pòbles definits per lors lengas, al mesprètz de tot imperialisme sobeiranista financièr e supremacista ? Lo capitalisme apaurís los paures per enriquir los rics : los païses paures ne son venguts insofribles. Las gents que i patisson vòlon viure dignament. E donc, se'n van. Èsser "contra l'immigracion" non pòt èsser coërent que se s'agís de luchar cap e tot contra çò que fa venir la vida insofribla dins los païses mai paures : lo capitalisme. Çò que non risca ps d'èsser lo projècte dels pretenduts "Républicains" !
E la soleta responsa valedoira al capitalisme es la democracia dirècta e participativa de totes per totes. Car los autoritarismes pretenduts d'esquèrra, per tot lo mond vengut un temps siá disent "comunista", avèm vist e pro vist ont aquò menava : a un autre infèrn que l'infèrn capitalista. E d'infèrns, n'avèm pro… Volèm viure dins un mond normal, un mond qu'aja per objectiu lo ben de totes, non pas sonque d'un ponherat de mariòls pretencioses.
La societat nacionala o internacionala cambia pus redde qu'un deratat.
Las ideologias condemnadas seran
- las tres religions dominantas
-lo socialisme/comunisme/ecologie
Perqué an agut lo mesme patron : los Rotschilds e las treize familhas que dominan lo monde emben l'argent, los qu'an divisats la societat en dos camps que se son fach la guerra. La guerra ven pas de l'egò mas daus besonhs daus poderos de divisar per mielhs renhar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari