Lo 7 de julh de gròsses auratges acompanhats de plueia e de granissas davalèron sus las comunas de La Jàvia e del Brusquet dins la Valaa de Blèuna. De maisons, una escòla e de comèrcis foguèron neiats.

Dins la Valaa de Verdon, lo desglaç —degut al brusc reschaufament de las nèus persistentas— a charriat un molon de bòsc qu’encombravan las ribas de Verdon. La comuna de Sant Andrieu dals Alps a degut lançar una operacion de netiament dal Laus de Castilhon per lo desbarrassar dal boscum flotant. Aquò per evitar de problèmas als banhaires e a la basa nautica.
 
Es de notar parier qu’a Manòsca, foguèron per de tals movements de tèrra e d’inondacions —deguts aquel còup a un aigat brusc sus una tèrra tròup assecaa— que l’estat de catastròfa naturala foguèt reconoissut.
 
 
 
 
Laurenç Revèst