Saludam d’en primièr la reüssida de l’esquipa de França de XIII fautuèlh. Aprèp una victòria en mièja finala contra lo País de Galas 71-30, tornavan trapar dissabte en finala la formacion anglesa, campions en títol. Coma totjorn, la partida foguèt plan disputada. Los Blaus menèron 36-6, mas los angleses capitèron d’egalizar. Fin finala, los Blaus ganhèron 42-40 e son donc campions del Monde de la disciplina.
L’esquipa femenina contunha de faire son aprendissatge del mai naut nivèl: desfachas contra Austràlia 72-0 e contra Anglatèrra 42-4.
Dissabte, tot Brutus somiava de Wembley. L’esquipa catalana èra estada modificada per reçaupre en quart de Cup Hull FC. Atal, Tomàs Bòsc se trapava dins las tribunas per daissar sa plaça de dobertura a Leon Pryce. La partida comencèt pel refús costumièr d’un ensag dels Dracs per l’arbitre vidèo. A la 20a minuta, los angleses dobrissián la marca, mas Eloi Pelissièr i anava de son ensag de talonaire-filon. Scott Dureau pensava de balhar l’avantatge als catalans per un tombat, mas una penalitat fasiá dintrar los angleses al vestiari amb un avantatge d’un punt: 8-7. A la represa, Lopini Paea liberava supèrbament una pauma per Morgan Escarré que s’anava espatarrar entre los pals. Mas coma l’Infèrn es còsta lo Paradís, lo pilar perdiá la pauma sul còp de pè de remandadís e al cap de l’ataca, l’alièr Lineham anava darrièr la linha. Los catalans avián un punt d’avança: 13-12. Dominèron, mas d’un biais estereotipat e perdèron un plen cargament de paumas. D’unes se poiràn reconvertir dins lo fracàs de pastècas per vòstres aperitius d’estiu. A se demandar a de qué servís d’aver patassas... Las causas se compliquèron quand, a un quart d’ora de la fin, dins sos 40 mètres, Houghton s’escapava al ras del tengut e mandava Briscoe balhar l’avantatge als Negre e Blancs. E los Dracs trapèron cap de solucion per traucar la defensa anglesa. A la còrna, Hull festegèt sa qualificacion amb un quatren ensag e la transformacion: 24-13. I a coma quicòm que truca en país catalan...
En mièja finala, dins una quinzenada, Hull FC afrontarà Warrington, venceire d’Huddersfield 44-24. Los London Broncos se son qualificats 29-10 fàcia a Sheffield e rescontraràn lo ganhant del darrièr quart Wigan-Widnes jogat aqueste diluns en serada. Sabi pas se Fraissinós traparà una broqueta magica de fraisse o autra fusta per tornar balhar vam a de Dracs atudats qu’aniràn jogar divendres a Salford. Logicament... mas la logica es pas una donada fisabla en Superliga. De notar qu’en 2015, sols 12 clubs disputaràn la competicion europèa. De son costat, la Federacion a fait sos devers de vacanças en desvelant lo calendièr de las competicions d’Elèit 1 e 2 per la sason 2013-2014: represa la dimenjada dels 21 e 22 de setembre.
En Austràlia, aqueste dimècres, las esquipas de la Nòva Galas del Sud e de la Tèrra de la Reina (Queensland) se tornan trapar a Sydney per la partida decisiva de las confrontacions dels Estats d’Origina, una partida que poiretz seguir sus Bein Sport.
Lo quatren qualificat per las 1/2 finalas de la Cup es Wigan (victòria 48-4, contra Wdfnes)
Alan Roch
L’esquipa femenina contunha de faire son aprendissatge del mai naut nivèl: desfachas contra Austràlia 72-0 e contra Anglatèrra 42-4.
Dissabte, tot Brutus somiava de Wembley. L’esquipa catalana èra estada modificada per reçaupre en quart de Cup Hull FC. Atal, Tomàs Bòsc se trapava dins las tribunas per daissar sa plaça de dobertura a Leon Pryce. La partida comencèt pel refús costumièr d’un ensag dels Dracs per l’arbitre vidèo. A la 20a minuta, los angleses dobrissián la marca, mas Eloi Pelissièr i anava de son ensag de talonaire-filon. Scott Dureau pensava de balhar l’avantatge als catalans per un tombat, mas una penalitat fasiá dintrar los angleses al vestiari amb un avantatge d’un punt: 8-7. A la represa, Lopini Paea liberava supèrbament una pauma per Morgan Escarré que s’anava espatarrar entre los pals. Mas coma l’Infèrn es còsta lo Paradís, lo pilar perdiá la pauma sul còp de pè de remandadís e al cap de l’ataca, l’alièr Lineham anava darrièr la linha. Los catalans avián un punt d’avança: 13-12. Dominèron, mas d’un biais estereotipat e perdèron un plen cargament de paumas. D’unes se poiràn reconvertir dins lo fracàs de pastècas per vòstres aperitius d’estiu. A se demandar a de qué servís d’aver patassas... Las causas se compliquèron quand, a un quart d’ora de la fin, dins sos 40 mètres, Houghton s’escapava al ras del tengut e mandava Briscoe balhar l’avantatge als Negre e Blancs. E los Dracs trapèron cap de solucion per traucar la defensa anglesa. A la còrna, Hull festegèt sa qualificacion amb un quatren ensag e la transformacion: 24-13. I a coma quicòm que truca en país catalan...
En mièja finala, dins una quinzenada, Hull FC afrontarà Warrington, venceire d’Huddersfield 44-24. Los London Broncos se son qualificats 29-10 fàcia a Sheffield e rescontraràn lo ganhant del darrièr quart Wigan-Widnes jogat aqueste diluns en serada. Sabi pas se Fraissinós traparà una broqueta magica de fraisse o autra fusta per tornar balhar vam a de Dracs atudats qu’aniràn jogar divendres a Salford. Logicament... mas la logica es pas una donada fisabla en Superliga. De notar qu’en 2015, sols 12 clubs disputaràn la competicion europèa. De son costat, la Federacion a fait sos devers de vacanças en desvelant lo calendièr de las competicions d’Elèit 1 e 2 per la sason 2013-2014: represa la dimenjada dels 21 e 22 de setembre.
En Austràlia, aqueste dimècres, las esquipas de la Nòva Galas del Sud e de la Tèrra de la Reina (Queensland) se tornan trapar a Sydney per la partida decisiva de las confrontacions dels Estats d’Origina, una partida que poiretz seguir sus Bein Sport.
Lo quatren qualificat per las 1/2 finalas de la Cup es Wigan (victòria 48-4, contra Wdfnes)
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari