Tèxte legit
En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista de Laetitia Dutech que presentava fa qualques jorns lo 20n anniversari de La Mal Coiffée, que se celèbra uèi a partir de 19h al bolodròm d’Asilhanet (Menerbés).
Fa vint ans, de dònas de Menerbés aguèron la bona idèa de se rescontrar e de voler far de musica amassa: aital se poiriá resumir l’acte de naissença de La Mal Coiffée, grop polifonic femenin que s’impausèt coma grop indefugible de la scèna occitana. Festejaràn dignament aquel anniversari uèi 28 de mai al bolodròm d’Asilhanet, en Menerbés. Laetitia Dutech desvelava aital lo programa de las regaudissenças.
Aqueste ser al bolodròm d’Asilhanet:
- 19h00: dobertura en fanfara amb de manjar e beure
- 20h30: suspresa de Marc Oriol
- 21h00: concèrt Roge per la Mal Coiffée e mai un artista convidat
- 22h30: la fanfara de Menerbés
- 23h00: concèrt de Du Bartàs.
Mai d’informacion sus lamalcoiffee.com.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari