L’artista Joanda e Maria Mendes ganhan lo prèmi Calandreta 2023 de literatura de joinesa amb lor obratge La flor malva pels cicles 1, a las edicions Le chameau Malin.

Pendent l’annada escolara, plusors escòlas calandretas e publicas an legit e estudiat una seleccion de libres de literatura de joinesa en occitan. Cada escòla faguèt una votacion dins cada classa per elegir lo libre que li agradèt mai.

Es lo divendres 26 de mai que las resultas foguèron proclamadas e Laflormalva se ganhèt lo prèmi occitan dels cicles 1, balhat pels organizaires d’aquesta Passejada Literària Calandreta a Joanda e Maria Mendes.

Amb aquel libre de 72 paginas illustradas, accedissèm a l’umanitat per l’atencion que portam a l’autre, que siá uman, animal, vegetal o mineral. Per quina rason una flor decidís de resistir al vent? Perqué la nívol blanca refusa de tombar en pluèja? Cossí un còdol pòt venir musician? E perqué las estelas lusisson quand lo solelh lor ditz “adieu”?

Aital quatre istòrias que los eròis ne son d’elements naturals. Quatre istòrias qu’interrògan los legeires mai joves (tre lo cicle 1) per los convidar a aquela atencion que pren a mai lo camin de l’occitan.