Actualitats
Soire: jogar amb l’occitan en Auvèrnhe
Dimècres que ven, se tendrà a la Torre del Relòtge de Soire una jornada entièrament dedicada a l’occitan auvernhat
Tèxte legit
Dimècres que ven, 7 de junh, se tendrà a la Torre del Relòtge de Soire (Limanha) una jornada nomenada “Joguem amb l’occitan” que serà entièrament dedicada a l’occitan auvernhat. L’eveniment se tendrà dins l’encastre de l’acuèlh de l’exposicion “Paraulas de país” —que sa tòca es de sensibilizar lo grand public a la preséncia de l’occitan e de la cultura occitana en Auvèrnhe— e qu’ara se tròba a Soire per una exposicion mai larga entitolada “Avètz un messatge”.
A partir de 14h, l’eveniment aculhirà de jòcs per mainatges, de contes bilingües amb Josiane Guillot, un obrador sus la memòria lingüistica d’Auvèrnhe, un taula redonda amb los occitanofòns de Soire e de conferéncias. L’eveniment es organizat per l’Institut d’Estudis Occitans del Puei Domat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De pichona, passère totei mei vacanças d'estiu en Auvernha dins la bòria de ma grand tanta Maria, sòrre de ma mamet mairala. Entre elei parlavan pas jamai francés. L'occitan auvernhat èra sa lenga mairala. Quand aprenguère l'occitan nimesenc comprenguère enfin çò que se disián. A l'epòca se disiá patoès per nomenar aquela lenga bèla. Siái fòrça aürosa de veire qu'en 2023 l'IEO 63 òbra per que siágue pas perduda, oblidada. Leis Auvernhats an drech a sa lenga ! Òsca amics d'amont !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari