En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista de Clamença Pojada, cercaira en tractament automatic de las lengas, qu’explica las oportunitats que representa per la lenga nòstra.

Maridar los espleches numerics a la lenga nòstra es pas pus una escomessa, es vengut una necessitat pels parlants que s’i interèssan de près… especialament dins lo domeni professional. Alavetz, cossí metre aquelas innovacions a nòstre servici? Avèm pausat la question a Clamença Pojada, lingüista e titulara d’un doctorat de l’Universitat Tolosa 2 – Joan Jaurés pertocant lo tractament automatic de las lengas mens espandidas.