Actualitats
Cinc cents seissanta ans de desfacha de Castilhon
Lo 17 de julhet de 1453, Bordèu amb tota Guiana foguèron liurats a França, en metent fin a la Guèrra de Cent Ans e mai a las libertats del país
Fa uèi 560 ans que las tropas francobretonas, menadas per Carles VII, ocupèron definitivament Aquitània en ganhar la batalha de Castilhon contra las tropas anglogasconas de John Talbot. Aquela batalha metiá fin a la Guèrra de Cent Ans, e tanben a las libertats e leis del país.
Lo 17 de julhet de 1453, Bordèu amb tota Guiana foguèron liurats a la corona de França. Lo país, e sustot la vila de Bordèu, foguèron tractats amb fòrça duretat pel rei Carles VII, que voliá punir las bonas relacions dels gascons amb Anglatèrra. Bordèu recuperèt pus tard sas libertats quand lo rei Loís XI de França accediguèt al tròn. Ça que la, la vila se revoltèt fòrça còps contra lo poder ocupant pendent lo sègle XVII.
La de Castilhon es la primièra batalha documentada ont l’artilhariá demostrèt que foguèt lo factor decisiu.
Lo 17 de julhet de 1453, Bordèu amb tota Guiana foguèron liurats a la corona de França. Lo país, e sustot la vila de Bordèu, foguèron tractats amb fòrça duretat pel rei Carles VII, que voliá punir las bonas relacions dels gascons amb Anglatèrra. Bordèu recuperèt pus tard sas libertats quand lo rei Loís XI de França accediguèt al tròn. Ça que la, la vila se revoltèt fòrça còps contra lo poder ocupant pendent lo sègle XVII.
La de Castilhon es la primièra batalha documentada ont l’artilhariá demostrèt que foguèt lo factor decisiu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
Non car David lo momument a la glòria del Rèi Talabòt coma los gascons aperavan al Talbòt es pas sus la comuna de Montcarret mas de Lamothe-Montravel en Dordonha a 5 quilometres de Castilhon.
En Julh de 2003 siaguèrem tres gascons patriòtas occitans que i anèrem despausar una garba de flors que dessus i faguèrem marcar "Per totas las victimas occitanas de l'imperialisme francés"
Apuèi la garba faguèrem petar "God Save the Queen" e lo "Se Canta"
Sabèm pas quant de temps la garba demorèt en plaça.
A l'epòca Jornalet existissia pas e faguèrem pas de fotòs.
Me pensi que cada an lo 17 de julh(et) deuriam aver lo coratge de far lo viatge del Monument Talbòt (es atal que s'apèra) per i despausar una garba e mediatizar l'eveniment.
Rapeli que los frairs Bureau, assaber Joan, sénher de Monglat, gran-mèste de l'artilharia de França, apuei son frair Gaspard, esturen los caps de l'armada francò-bretona e los vencedors oficiaus de Castilhon. Joan Bureau èra estat nomnat chic abant maire de Bordèu per los Francés, mès los Bordalés lo foturen dehòra damb l'ajuda dau Captau de Buch.
Los Occitans son especialistas per s'agroar atau davant sos vencedors. Dens n'impòrta quau país normau, atau una causa seré impensabla, una rua au nom de l'envadidor.
#2 Gaire sosprenent, l'ensenhament de la Guèrra de Cent Ans en França es limitat ai tres victòrias anglesas e a l'arribada miraculosa de Joana d'Arc.
Si, i a un monumetòt sus la comuna de Montcarret, ce me sembla, mès es frem estremat, lonh de tota via larga, e mau ensenhat. Digun (o quasi) ne'u vai jamèi florir. La(s) municipalitat(s) hèsen coma estussi pas ací. De totas faiçons, au bòrn, i a una "rua daus Frairs Bureau".
Quan vatz a l'Ofici de Torisme de Castilhon e quan demandatz quaucom a perpaus de la batalha, que hè mau entà aver informacions ... E ne soi pas sigur que i auja un monument o un quaucomet atau a Castilhon. Sonque ua hèsta dens un parc entà la toristalha l'estiu (qu'ei la medisha causa a Murèth dambe "les Occitanes" au mes de seteme). La batalha de Castilhon qu'ei muishada sovent coma ua partida deu tornei de las sheis nacions: França-Anglatèrra ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari