Actualitats
Èrsa d’arrestacions contra lo movement ecologista
Arrestèron diluns una quinzena d’activistas a Marselha, Tolosa, Baiona, dins doas comunas ruralas del causse de Cailutz e tanben a Lion, Dijon e Montreuil
Tèxte legit
Arrestèron diluns passat a 6h una quinzena de militants ecologistas a Marselha, Tolosa, Baiona, dins doas comunas ruralas del causse de Cailutz (Cailutz e Vurdfuèlh) e tanben fòra d’Occitània dont Lion, Dijon e Montreuil. Plaçats en gàrdia a vista dins diferents comissariats del país e de la rèsta de l’estat, lor an dobèrt una enquista per associacion de malfactors e degradacions en banda organizada, çò rapòrta Reporterre.
Dins lo causse de Cailutz almens una setantena d’agents se son mobilizats en talhant la ciculacion de las estradas. Segon diferents testimònis presents pendent las perquisicions, la BRI (Brigada de recèrca e d'intervencion de la polícia) e la SDAT (Sosdireccion Antiterrorista de la direccion centrala de la polícia judiciària) serián estadas mobilizadas. Doas personas son estadas arrestadas e menadas en garda a vista a Tolosa.
En decembre passat, 200 militants envasiguèron una usina Lafarge e menèron una sèria de sabotatges qu'entraïnèron quatre milions d'èuros de degalhs, segon l'industrial. L'usina èra estada recobèrta de tags. De sacas de ciment foguèron esventradas, lo cremador damatjat, de cables seccionats e d’engenhs de talhièr destruches. Un vidèo difusat per LundiMatin descriviá la mobilizacion.
“Lafarge-Holcim es un dels mai gròsses polluïdors e productors de CO₂ del país”, çò avián explicat los activistas dins un comunicat.
Uèi se prevei d’accions de protèsta davant las usinas de Lafarge e las prefecturas. Los Soslevaments de la Tèrra an cridat a se mobilizar dimenge que ven a Sant-Koulman (Bretanha).
🔴 Vague d'arrestations ce matin partout en France en lien avec le désarmement d'une usine Lafarge
— Les Soulèvements de la Terre (@lessoulevements) June 5, 2023
📣 Notre communiqué ici : https://t.co/NVHsNcggxz et dans le THREAD suivant.
RDV dans les rassemblements mercredi soir et dans le 44 ce weekend (+ d'infos dans le communiqué) ! pic.twitter.com/1o7o7al9NQ
🚨Le gouvernement va encore plus loin dans la criminalisation des écologistes en menant une vague de perquisitions et gardes à vue.
— Les Amis de la Terre FR (@amisdelaterre) June 6, 2023
✊Soutien aux personnes arrêtées hier.
Nous dénonçons cette dangereuse escalade répressive.https://t.co/TSmNKKOagv
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pel causse de Cailutz venon de caire las tenèbras ! Dins quin país vevèm, adara ? Los nazis qualificavan ja las femnas e los òmes que resistissián a lor dictatura de "terroristas". Mas qui assaja de semenar la terror e de dissuuadir de tota mena de contestacion ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari