Lo divendres 2 de junh, l’escòla Puèg Marin visquèt un moment fòrt en venir plan oficialament l’escòla Miquèl Decòr. Amb la preséncia de la comuna de Carcassona, qu’aviá oficialement ratificat aquela demanda en conselh municipal, del departament, de la region e de segur de la familha, la còla pedagogica e associativa de la calandreta prepausèt un moment tant esmovent coma convivial. En seguida de qualques lecturas causidas pels regents, los diferents interlocutors partegèrem lors sentits e sovenirs amb tant de justesa coma de respècte. Jean-Louis Bes per la comuna, Tamara Rivel pel departament, Benjamin Assié per la region, Cyril Gispert pel CIRDÒC, Joan-Francès Albert, cap d’establiment de la calandreta, Alan Roch per l’IEO e enfin Celina Decòr, filha del poèta, faguèron montar pauc a cha pauc l’emocion abans de desvelar la placa commemorativa que se ten ara en plaça bèla al dintre de l’escòla. Fargada per Benjamin Cano e la societat Bruits de couloir (Bruches de corredor), aquela placa es plan fidèla a l’imatge de Miquèl Decòr aitan coma a sas conviccions mai prigondas. Lo messatge que pòrta balha de sens, e tanben una fòrça, a la còla pedagogica encargada del projècte educatiu, cultural e ciutadan. Aquel polit moment s’acabèt a l’entorn d’un veire de l’amistat que portèt pas jamai tan plan son nom, a la vista dels escambis e de las convèrsas mai informalas que venguèron animar la cort de la calandreta. La calandreta Miquèl Decòr es ara una realitat, e coma los escrits del poèta, desira d’inscriure son accion al servici dels mainatges per l’eternitat.

Joan-Francès Albert

Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…