Actualitats
LFI presentarà tornarmai una mocion de censura contra lo govèrn francés
La presidenta de l’Assemblada s’es servida de l’article 40 de la Constitucion per refusar un vòte sus la reforma de las retiradas
Tèxte legit
La França Insomesa (LFI), la principala formacion d’esquèrra de l’estat francés, a anonciat que presentariá una nòva mocion de censura contra lo govèrn après que la presidéncia de Assemblada Nacionala francesa refusèt l'examen d’un emendament que prepausava de tornar a l’edat legala de la retirada a 62 ans.
La presidenta de l’Assemblada, Yaël Braun-Pivet, se serviguèt d’efièch de l’article 40 de la Constitucion francesa per refusar que se votèsse aquel emendament prepausat pel grop centrista e regionalista LIOT que tornava establir l’edat de la retirada a 62 ans, en contestant la reforma de la retirada impausada pel govèrn. “I aurà pas cap de derogacion de la reforma de las retiradas”, çò proclamèt Braun-Pivet a BFMTV, en tot anonciar que i auriá pas cap de vòte sus aquela proposicion. L’article 40 de la Constitucion francesa dona lo drech de censurar una proposicion de lei se sembla pas finançada. Fa una setmana, ja la comission dels afars socials de l’Assemblada s’èra opausada, per un vòte estrech de 38 contra 34, a aquel meteis article primièr de la proposicion de LIOT.
La representanta “insomesa”, Mathilde Panot, confirmèt als mèdias que son grop presentariá tornarmai una mocion de censura e considèra que çò qu’a fach Braun-Pivet es “un còp de fòrça” e “un precedent extrèmament perilhós per la democracia”.
A priòri, la mocion de censura capitarà mal, pr’amor que lo govèrn francés es arribat de superar d’autras iniciativas similaras, especialament gràcias al supòrt de la drecha LR.
Aqueste nòu braç de fèrre politic arriba après la catorzena jornada de mobilizacions per la reforma, aparentament mens seguida que las anterioras. Los sindicats an assegurat que mai de 900 000 personas assistiguèron a almens una de las protèstas convocadas, del temps que la chifra oficiala donada pel Ministèri de l’Interior redutz aquel nombre a 280 000.
Jamais un président de l’Assemblée Nationale n’a déshonoré sa fonction aussi gravement que Yaël Braun-Pivet.
— Marcel (@realmarcel1) June 7, 2023
Le macronisme ne respecte rien.#DirectAN#ReformeDesRetraitespic.twitter.com/deM7ccD4IM
"La honte", "mépris": Braun-Pivet très critiquée après sa décision sur l'abrogation de la retraite à 64 ans https://t.co/fAshqNKOM6pic.twitter.com/AArwaParF3
— BFMTV (@BFMTV) June 7, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari