Exposicion sotatitolaia en occitan vivaroalpenc escareasc per un projècte emb-ar professor d’istòria en collaboracion emb li musèus de Mentan e de Mónego. Respectivament lo musèu (municipal) de preïstòria regionala mentonasc e lo musèu (nacional) d’antropologia preïstorica de Mónego.

Ar collègi de l’Escarea, valaia dar Palhon de Pelha, gràcias ar professor d’istòria e de geografia, locutor d’occitan vivaroalpenc mentonasc, l’occitan dar país a poscut aver ua pichona plaça.

Aquer trabalh fach per revirar devèrs l’occitan es agut fach per la soleta collegiana de tèrça, Elea, per d’afichai multilinguai en francés, anglés, toscan, castelhan e... occitan.

L’ocasion de trobar lo gaubi per revirar de mòts sapients (neolitic, preïstòria...), retrobar la forma occitana dins lo toponime francizat de Vallonnet, o valonet, totjorn en Gavotina, sus la comuna de Recabruna Cab Martin, recordar lo nom occitan de Tèrra Mata, reïnterpretat, per aquer quartier de Niça, a la toscana dar temps dar reialme de Piemont-Savòia-Sardenha en Tèrra Amata. Per far mai bèl. Coma de comunai ai nomes recents: Beaulieu, Beausoleil (Beuluec, Bersorelh).

L’ocasion de si servir dar diccionari en linha locongres.org, causir ua bòna forma e tanben d’emparar los còdes per picar ò, í e autres signes diacritics sus l’ordenaor. Totplen utils per l’occitan.

ER

Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…