Actualitats
ÈTA mandarà sas propòstas al Forum Social per la Patz
En un comunicat enviat al jornal Gara, considèra que las recomandacions pòdon servir a sortir del blocatge e començar un fuèlh de rota
ÈTA considèra que las recomandacions del Forum Social per la Patz, que se debanèt a Pampalona e Bilbao en març, son una “contribucion constructiva” que pòt èsser utila coma ponch de partença per elaborar un fuèlh de rota e sortir del blocatge. O exprimís en un comunicat enviat al jornal Gara, que ditz que l’organizacion basca fa sa “lectura pròpria e a tanben sas contribucions, sos matises e sos desacòrdis”. “Aquò serà pas brica un empach perque agissèm amb una perspectiva constructiva per rapòrt a las recomandacions”, çò contunha.
“ÈTA s’engatja a agir amb la responsabilitat e lo seriós que demanda aquela escasença, e encoratja los autres agents a far çò meteis”, e apond que mandarà son vejaire als promotors del rapòrt per far la siá “contribucion al contengut, escotar las proposicions e las intencions e analisar las possibilitats d’avançar”.
Dins son comunicat ditz tanben qu’a fach d’esfòrces per dobrir de vias de dialòg e avançar cap a una solucion; e soslinha lo ròtle de la societat “sens esperar que comencen las convèrsas entre ÈTA e los govèrns”. De la meteissa manièra, critica tornarmai la manca de “responsa positiva” de la part dels govèrns espanhòl e francés e los acusa d’alimentar lo conflicte.
“ÈTA s’engatja a agir amb la responsabilitat e lo seriós que demanda aquela escasença, e encoratja los autres agents a far çò meteis”, e apond que mandarà son vejaire als promotors del rapòrt per far la siá “contribucion al contengut, escotar las proposicions e las intencions e analisar las possibilitats d’avançar”.
Dins son comunicat ditz tanben qu’a fach d’esfòrces per dobrir de vias de dialòg e avançar cap a una solucion; e soslinha lo ròtle de la societat “sens esperar que comencen las convèrsas entre ÈTA e los govèrns”. De la meteissa manièra, critica tornarmai la manca de “responsa positiva” de la part dels govèrns espanhòl e francés e los acusa d’alimentar lo conflicte.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La soleta pausicion lucida d'ETA es quand "critica tornarmai la manca de “responsa positiva” de la part dels govèrns espanhòl e francés e los acusa d’alimentar lo conflicte". Coronas d'Espanha e de França (oops, perdon, RF non es reialme de França mas, siá disent "republica") non comprenon que la fòrça, la qu'enduran, la qu'exercisson subre los autres, subre nosautres. Un bon Occitan, un bon Basc, un bon Catalan, es un vermi sotmés e reptejant e mai que mai, mut… Cooficializar las lengas, a França ? "Incocevable"… Alara, te pensas, l'independéncia. Los caldrà acatats e de genolhós entre las arroïnas de son empèri descasut e ablasigat, per daissar anar los Basques, a França.
Dins son comunicat ETA ditz tanben qu’a fach d’esfòrces per dobrir de vias de dialòg e avançar cap a una solucion. Mas ieu li disi que França e Espanha an fait, fan e faràn tot çò possible per tampar tota via de dialòg possibla, e per recuolar mai luènh que se pòsca de tota solucion.
ÈTA considèra que las recomandacions del Forum Social per la Patz, que se debanèt a Pampalona e Bilbao en març, son una “contribucion constructiva” que pòt èsser utila coma ponch de partença per elaborar un fuèlh de rota e sortir del blocatge. Si ben, mas ni França ni Espanha non vòlon pas ges ni mica sortir del blicatge. Çò que vòlon, es l'esxterminatcion de tot militantisme separatista, de tota reivindicacion territoriala, basca o pas.
ÈTA !
Risolent :)
De totei lei lengas romana, l'occitan es l'unenca d'aguer inventat l'accent sur lei vocalas en basc. Lo catalan, l'espanhòu, l'italian elei gausan pas, mai l'occitan, si que se lo permete !
De pas confondre amb lo provençau "Eta", equivaléncia aproximativa dau "pardi" franchimand.
(Malaisit de pas far de comentaris linguistoïdes quora se vei de taleis invencions...)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari