Actualitats
Lo CPLO presenta lo nòu Dicodòc
Lo diccionari de referéncia en linha prepausa desenant de traduccions, de conjugasons, d’expressions, de sinonims, de tèrmes especializats, de toponims e d’exemples dins un sol esplech
Tèxte legit
Onze ans après sa mesa en linha, lo diccionari occitan de referéncia a ben pelmudat! Lo Congrès Permanent de la Lenga Occitana (CPLO) presenta un nòu sit pel Dicodòc qu’al delà dels divèrses diccionaris s’i tròba los conjugadors, lo diccionari d’expressions, la toponimia, un còrpus, etc. Lo sit internet possedís una interfàcia unica e espurada que permet d'accedir aisidament a las ressorsas. A mai, Dicodòc es encara mai rapid! Los utilizaires basculan aisidament entre las ressorsas gràcias a una infrastructura numerica optimizada.
Amb 470 000 intradas, 2,2 milions de formas conjugadas e un còrpus textual de 2,2 milions de mots, Dicodòc es lo diccionari occitan mai complet que siá. Cobrís sièis varietats de l'occitan e es regularament actualizat per la còla del CPLO.
En mai de tot aquò, se presenta de nòvas ressorsas dont lo conjugador lemosin e un còrpus textual de 2,2 milions de mots extraches de 400 òbras de las literaturas classica e contemporanèa occitanas.
La novèla version mobila es descargabla a gratis de las botigas Google Play e App Store estant. Tanben i a un corrector ortografic e un clavièr predictiu pel telefòn mobil.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari