Actualitats
Los estats espanhòl e francés se servisson d’acusacions falsas de terrorisme
Segon un rapòrt de Novact presentat dimars passat a l’ÒNU
Tèxte legit
Los estats espanhòl e francés se servisson d’acusacions falsas de terrorisme per enseguir de dissidents politics, segon lo darrièr rapòrt que l’Institut Internacional per l’Accion Non Violenta (Novact) presentèt dimars a l’ÒNU. Lo rapòrt explica qu'emplegan d'acusacions de terrorisme contra de movements pacifics, de dissidents, de partits politics o d’organizacions de la societat civila per tal de los dissòlver o de criminalizar lors ideologias, çò rapòrta Vilaweb.
Entitolat “Me sones pas terrorista pr’amor que non o soi pas”, lo rapòrt sus l’abús de las leis antiterroristas analisa de cases, coma Argeria, Egipte, Marròc, Iraq e Tunisia; parla tanben dels païses de l'Union Europèa, e consagra un capítol entièr a l’estat espanhòl dins lo qual detalha la persecucion que la patisson los independentistas. De soslinhar que 3300 independentistas catalans son perseguits per la justícia espanhòla.
Lo rapòrt tanben especifica cossí aquelas acusacions son acompanhadas de campanhas mediaticas per deslegitimar aqueles collectius socialament.
Lo rapòrt presenta una tièra de recomandacions, coma lo besonh de se metre d’acòrdi sus la definicion del terrorisme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los estats espanhòl e francés se servisson d’acusacions falsas de terrorisme : aquò es fòrça costumièr dels partits fascistas, coma quand los nazis qualificavan de "terroristas" las eroïnas e los eròis de la Resisténcia, mentre qu'èra eles, los nazis, que terrificavan las populacions.
Totun es plan polit aqueste rapòrt : mas quinas reponsas politicas eficaças per melhorar las causas d'un punt de vista democratic prepausa l'ONU ? I aurà de sanccion coercitivas contra los caps d'estats aital plan justament incriminats ? Interpòl los vendrà lèu lèu agantar per los faar comparéisser al tribunal penal internacional e los jutjar coma o se meritan ?
Ai plan páur qu'aquala mena de rapòrts non siá qu'una lètra de mai escrita al paire Nadal, o qu'un ciri alugat dins qualque glèisa per far se complir miraclosament un vòt piós.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari