Pepper&Carrot es una benda dessenhada legibla sul web d’accès e de còde liures finançada dirèctament pels legeires. Aquela revolucion dins l’indústria de la benda dessenhada a fach venir Pepper&Carrot disponibla en 66 lengas dont l’occitan.

Pepper&Carrot conta l’istòria d’una jove bruèissa e de son gat e es una creacion de David Revoy. L’interfàcia del sit l’a facha Aura Seguièr, encargada tanplan de la traduccion en occitan lengadocian. Ne parla amb los confraires de Ràdio Occitània.

Li dison David Revoy, es originari de Rems e passèt per Tolosa e Montalban. Es l’autor e l’illustrator d’una sèria de benda dessenhada que conta las aventuras d’una jove bruèissa e de son gat: Pepper&Carrot. La particularitat d’aquelas bendas dessenhadas  es que ne podètz èsser lo mecèna e quitament lo reviraire en lenga vòstra. Aura Seguièr s’encarguèt ela de la traduccion d’episòdis en occitan lengadocian e tanben de l’interfàcia del sit.