Lo 22 de junh de 2023, un poèta de Sardenha venguèt a l’escòla. Sardenha es una illa al sud de Corsega que se trapa gaireben al mièg de la mar nòstra. Vos anam contar l’istòria de Mario Cubeddu e son camin cap a la lenga sarda e cap a la poesia. Mario aprenguèt lo sarde quand èra tot pichon. Foguèt la sieuna lenga mairala fins a 6 ans. Quand aviá 23 ans, venguèt professor d’italian e d’istòria-geografia. En Sardenha la poesia ten una plaça especiala que gaireben totas las gents ensajan! Mario comencèt la poesia quand aviá 20 ans. Nos contèt que son inspiracion se trapava dins tot çò qu’aviá a son entorn. Las gents, las bèstias, la natura, sas pensadas......Diguèt tanben que per escriure caliá esperar lo bon moment e qu’aquò se comandava pas. Per el, la poesia se reçaup e que la cal daissar venir. Mario nos parlèt de la cosina tradicionala de Sardenha que fa la part bèla a las pastas, a las patanas, a l’alh e a la menta. L’espòrt tradicional de l’illa es s’istrumpa qu’es una mena de lucha tradicionala. Coma instrument de musica, lo mai espandit es una mena de flaüta que se ditz launeddas. En Sardenha los poètas son plan sovent cantadors tanben. Mario viatgèt amb la sieuna femna Carla en Catalonha, dins los Pirenèus e tanben del costat de Montpelhièr. Plan sovent aqueles viatges foguèron ligats a l’escritura e a la poesia. Nos legiguèt evidentament un poèma sieu en sarde que se ditz “Lili” e que parla de la sieuna gossa. Aquel poèma l’ausiguèrem tanben en occitan revirat e legit per Bruno Peyràs. Es gràcias al Bruno qu’avèm rescontrat Mario Cubeddu e qu’avèm aprés d’unas causas a prepaus de Sardenha. Aquel rescontre foguèt plan agradiu!

Violette, Juliette e Satine
CM1eCM2delaclassadePeirinaPaul
CalandretaMiquèlDecòr

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…