La revirada de l’armada de mercenaris del grop Wagner, que luchan del costat de Russia dempuèi l’invasion d’Ucraïna, a portada una dimenjada de tension en Russia. Divendres, se rebellèron contra lo Kremlin e 25 000 òmes entreprenguèron lo camin devèrs Moscòu en s’apoderant la vila de Rostov. Totun, quand los soldats de Wagner èran a 200 km de Moscòu, se rendèron amb la mediacion de Bielorussia. Lo comandant de Wagner, Ievgueni Prigojin, se refugiarà dins un exili pachat en Bielorussia. De fach, lo president bielorús Aleksandr Lukashenko e Prigojin se coneisson dempuèi una vintena d’annadas.

Lo Kremlin a dich qu’aqueles soldats de Wagner que participèron pas a la marcha sus Moscòu ni a la presa de Rostov, poirián jónher l’armada russa. D’autre latz, a assegurat que l’eveniment afectava pas sa nomenada “operacion especiala” en Ucraïna, e se manten l’estat d’emergéncia antiterrorista dins las regions de Moscòu e Voronej.

D’informacions de tota sòrta arriban de mèdias de pertot, de còps contradictòrias.